Jóhannes Ragnarsson

22.12.2008 | 20:04

Margra manna maki

Merkur stjórnmálamaður Árni M. Mathíesen og margra manna maki við fjárlgagerð. Um greind hans þarf heldur ekki fjölyrða enda greinir hann vandann hárrétt: heimskreppan og bankahrunið lögðu óvænt stein í götu fjármálaráðherrans og gerðu honum óhægt um vik að snúa fjárlagafrumvarpið saman.

Af orðum Árna M. Mathiesen getur fólk séð, svart að hvítu, að glæpsamlegur frjálshyggjukapítalismi á enga sök á meintum óförum íslendinga þetta haustið.

En af hverju ætli Árni fjármálaráðherra bínefni sig Árni M. Mathiesen í stað þess að kalla sig Árna Matthíasson eins og hann heitir í raun og veru?

	2009: Dýpsta ár kreppunnar
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Athugasemdir

Já Jóhannes minn. Það yrði lítið um sjóskaða ef aldrei kæmu illviðri og áhlaup. Frægir urðu þeir formenn og skipstjórar sem reyndust glöggir á veður og slepptu róðri ef útlit var fyrir stórviðri. Eins þeir sem sigldu í land í tæka tíð þegar snögg veðrabrigði urðu. Eggert Ólafsson var ástmögur þjóðarinnar, vel menntað glæsimenni, metnaðarfullur og auk þess skáld. Þessir eiginleikar entust honum ekki til þeirrar gæfu að taka viðvaranir um yfirvofandi storm alvarlega. Hann gerði lítið úr hættunni og sigldi úr vör með brúði sína á ofhlöðnu skipi. Það skip er enn ókomið að landi enda rættist spáin um storminn. Stjórnvöld okkar eru skólagengin í dýrum og vel metnum háskólum. Þau mættu öllum viðvörunum, mörgum og alvarlegum með hroka og háðsyrðum. Nú tala þau um áhlaup sem enginn hafi getað séð fyrir. En þjóðarskútan velkist um í fárviðrinu sem spáð var. Enginn veit nú hvenær hún nær landi, en dýrmætum farminum hefur að mestu skolað fyrir borð og enginn veit í dag hversu margt af áhöfninni freista þess að yfirgefa hið sökkvandi skip.

Stjórnvöld okkar að fjármálaráherra meðtöldum ættu ekki að eyða orkunni í að freista þess að mæla spaklega. Það er dæmt til að mistakast.

Árni Gunnarsson, 22.12.2008 kl. 20:46