Kominn til Reykjavíkur til að mótmæla auðvaldsmafíunni

Í dag settist ég upp í bifreið mína, heilsuveila og marrandi, og ók sem leið liggur frá heimkynnum mínum í Ólafsvík og til Reykjavíkur þeirra erinda að mæta á mótmælafund á Austurvelli klukkan 15:00 á morgun.

Ég er firnavel undirbúinn fyrir sannkallaðann baráttufund, með fimm kassa af kjarngóðu baráttugóssi í farangursgeymslunni, sem ætti að duga til að stökkva mörgum ríkisstjórnum á beljandi flótta. Það er því skynsamlegast fyrir brúnstakka auðvaldsmafíunnar að láta sem minnst fyrir sér fara meðan ég staldra við í miðborg Reykjavíkur.

Mótmælt á Austurvelli á morgun

Athugasemdir

[hilmar jónsson, 2.1.2009 kl. 23:16]

Komdu fagnandi. Sameinaðir stöndum vér

[Heiða B. Heiðars, 2.1.2009 kl. 23:17]

Frábært!

Ertu í alvöru að koma í þeim tilgangi? 

[Jóhannes Ragnarsson, 2.1.2009 kl. 23:21]

Að sjálfsögðu er ég eingöngu kominn í þeim tilgangi.

[Óskar Þorkelsson, 2.1.2009 kl. 23:30]

glæsilegt :)

komdu við á thorvaldsens kl 14 og fáum okkur kakó.. eða eitthvað :) 

[Björn Gísli Gylfason, 3.1.2009 kl. 00:04]

Ég á semsagt að taka hjálminn með mér á morgun?

[Rannveig H, 3.1.2009 kl. 00:22]

Jói kommi mættur á svæðið alveg hrein frábært! Hvaða góss ertu svo með?

Eins gott að það virki því nú er farið að gera hagfræðinga Seðlabankans út til að tukta lýðinn til.

[Ólafur Ingi Hrólfsson, 3.1.2009 kl. 04:29]

það er heldur ógeðslegt að lesa sjálfsánægjuna og hrokann í ykkur hér að ofan

Vonandi fer lögreglan að nota kylfurnar á ykkur svona til þess að kanna hvort ekki rofi til í hausunum á ykkur. Svo eru nokkrar "konur" að fagna því að ofbeldismaður að vestan sé kominn í bæinn. Ég hélt að konur upplifðu nóg af ofbeldi af hálfu karla þótt þær væru ekki að gera þá að hetjum.

Kanski vilja þessar "konur" láta berja sig.Nú þær hafa þá draumaprinsinn í það.

Ólafur I Hrólfsson

[Vésteinn Valgarðsson, 3.1.2009 kl. 07:27]

Sjáumst á Austurvelli.

[Þórbergur Torfason, 3.1.2009 kl. 08:59]

Sjáumst á Austurvelli félagi

[Óskar Þorkelsson, 3.1.2009 kl. 11:51]

Ólafur Ingi Hrólfsson virðist hafa mjög svo ákveðnar skoðanir á því hverjir eru skríll og hverjir ekki.. lesið bara bloggið hans .. við erum skríll í hans augum.