Errilegur mannskapsmaður Láfi Klemm

Helvíti errilegur mannskapsmaður þessi Láfi Klemm og til í tuskið, enda hámenntaður áskrifandi að launum hjá Seðlabanka Íslands. En eitthvað hafa vondir straumar hrært uppí höfðinu á karlálftinni, þegar han gekk fram á hugsandi fólk á Austurvelli á gamlársdag, og komið honum í sannkallað baráttuskap. Það er svo sem vel skiljanlegt, að menn sem í áraraðir hafa nagað og étið blýanta og auk þess horft uppá kapítalismann hrynja og verða að illþefjandi skítaklessu á pappírum Seðlabankans, verði dálítið ruglaðir í rýminu þegar þeir ganga óforvandis í fangið á æstum kommúnistum og öðru óráðvöndu illþýði.

Kappinn Pétur Hoffmann Salómonsson barðist berhentur við átján manns og hafði betur, en Láfi Klemm, hagfræðingur í Seðlabankanum, ætlaði að hjóla í fimmhundruð menn í þeirri hagfræðilegu fullvissu að hann gæti rotað þá alla á augabragði. Segið þið svo að ekki séu enn garpar uppi meðal þjóðar vorrar. 

Taldi sér ógnað

Athugasemdir

[Sigurður Þórðarson, 3.1.2009 kl. 09:42]

Þessi háttsemi opinberra starfsmanna á almannafæri brýtur í bága við lög um upinbera starfsmenn  sbr. færslu mína þar um.

Lögin:  skoðaðau 14. og 21. gr

[Ævar Rafn Kjartansson, 3.1.2009 kl. 13:39]

Mbl.is tekur upp ritskoðun eða hvað?

Tvær greinar á mbl.is þar sem fjallað er um „að tveir menn gengu um meðal mótmælenda og ógnuðu þeim eins og sést í myndskeiði Mbl sjónvarps“ eru núna þannig að ekki er hægt að blogga um fréttirnar og athugasemdir sem var búið að senda eru horfnar út. Skyldi þetta eitthvað hafa með það að gera að annar mannanna Ólafur Klemensson er hagfræðingur í Seðlabankanum. Samstarfsmaður Davíðs og sjálfstæðismaður? Kom einhver skipun að ofan um tölvubilun á þessar tvær greinar eða notaði bróðir Ólafs sem var með honum þarna og er svæfingalæknir, meðölin sín á blaðamenn? Allavega er hægt að blogga inn á allar aðrar fréttir mbl.is. Hér er tenging inn á horfnu athugasemdirnar:

Taldi sér ógnað - mbl.is - athugasemdir horfnar… og komnar aftur inn

Innlent | mbl.is | 2.1.2009 | 20:35 Taldi sér ógnað

Innlent | mbl.is | 2.1.2009 | 16:44 Mótmælendum ógnað á gamlársdag

[Níels A. Ársælsson., 4.1.2009 kl. 04:39]

Hér hefur þú mína skoðun lesandi góður:

Legg ég til að þessi ólukkans Láfi Klemm-blýantsnagari með meiru verði hengdur upp í gálga á löppunum niður á Austurvelli nk, laugardag og rasskelltur opinberlega á bert rassgatið öðrum hagspekingum til aðvörunnar og honum sjálfum til refsingar fyrir óknittina og orðbragðið !

Þér að segja !

[Ásthildur Cesil Þórðardóttir, 4.1.2009 kl. 14:24]

Ótrúlegur andskoti.  En ritskoðun og kúgun er alltaf að koma betur í ljós.  Þó eru bjálfar sem ennþá styðja þessi öfl, meira aðs segja yfir 25% gullkálfar.  Ótrúlegt en satt.