Kögunar-pilturinn tístir í tittlingaborg

Sko litla Kögunar-piltinn, sem þekkir ekki Finn Ingólfsson og hefur aldrei heyrt á hann minnst, hann er alveg standandi bet á að ríkisstjórnin hafi ekki tekið af skarið og hjólað eins og trylltur hani í Bretana út af hryðjuverkalögunum góðu. Við hverjum fjáranum bjóst Kögunar-drengurinn? Átti hann von á að Hordi og I. Sól tækju sig til og færu með vopnavaldi á hendur ríkisstjórn hennar hátignar Elísbetar II? Eða er hann bara að gera sig digrann vegna formannskosningarinnar hjá hinni elliæru Framsóknarmaddömu? Ja, þá er bragð að þegar fer að tísta í tilttlingaborg ...

Til fróðleiks er rétt að nefna að orðatiltækið, ,,að nú tísti í tittlingaborg" er haft um syfjaða staula sem reyna að vinna sér inn prik með klunnalegu kjaftbrúki og innantómu.  

Fresturinn að renna út

Athugasemdir

[Vilhjálmur Þorsteinsson, 4.1.2009 kl. 21:03]

Þessi bloggfærsla er alveg ótrúleg samsuða.  Sigmundur Davíð hefur ekkert með Kögun að gera þótt faðir hans hafi verið þar forstjóri fyrr á tíð, en þó svo væri, hver er tengingin?  Og er höfundurinn í senn að hnýta í ríkisstjórnina fyrir að gera ekkert í málshöfðun, og lasta Sigmund Davíð fyrir að gera eitthvað í málinu?

Það væri mun gáfulegra að sleppa því að blogga en að láta alþjóð sjá svona þvætting (klunnalegt kjaftbrúk?) eftir sig.

[Jóhannes Ragnarsson, 4.1.2009 kl. 21:44]

Þó að Kögunar-pilturinn þræti fyrir að hafa étið skötu með Finni Ingólfssyni fyrir jól, þá er hann svo sannarlega af auðvaldsslekti sem tók ágætan þátt í frjálshyggjukapítalismanum góða sem varð að martröð.

[Villi Asgeirsson, 4.1.2009 kl. 22:11]

Skiptir máli hvað pilturinn át með hverjum? Málið er að við erum að láta taka okkur í taðaugað, brosandi og vaselínslaust. Þökk sé sjöllunum og samfó.

[Jóhannes Ragnarsson, 4.1.2009 kl. 22:23]

Megum vér þakka Framsóknarflokknum náðarsamlegast fyrir líka ... sá ólánsselskapur á drjúgann þátt í að byggja upp hroðann sem nú vellur inná öll heimili í landinu.

Ef eitthvert réttlæti væri til, þá ætti að leysa Sjálfstæðisflokkinn, Samfylkinguna og Framsóknarflokkinn upp með lögum og leggja blátt bann við að starfrækja slík óþrifafyrirtæki.

[Vésteinn Valgarðsson, 4.1.2009 kl. 23:56]

Heyrðu mig nú, Jóhannes, einhvers staðar verða vondir að vera! Ef við bönnum alla vondu flokkana, hvaða flokka eigum við þá ekki að kjósa?