Himnaríkisvist bókuð ásamt syndaaflausn á 370 milljónir

Ósköp er gleðilegt að hinn fallni mammonsengill, Bjarni Ármannsson, skuli hafa endurheimt æruna fyrir 370.000.000 krónur og teljist héðan í frá alsaklaus af þátttöku í græðgisvæðingu frjálshyggjukapítalismans. Vogi nokkur lifandi sála hér eftir að væna nefndann Bjarna Ármannson um græðgi og fjárglæfra, skal sá hinn sami hundur heita, tíkum ríða og skít éta upp frá því.

En nú skulum við fagna því ærlega, að Bjarni okkar Ármannsson frá Glitnisstöðum hafi fundið sér bústað í ríki ljóssins til frambúðar - fyrir 370 milljónir íslenskra króna.

Endurgreiddi 370 milljónir

Athugasemdir

[Árni Gunnarsson, 5.1.2009 kl. 20:56]

Ég er mállaus af klökkva.

[Benedikt Halldórsson, 5.1.2009 kl. 20:59]

Hvað kostar að gera þér til hæfis?

[Skarfurinn, 5.1.2009 kl. 21:01]

Eflaust má deila um hvernig þessi tiltekna upphæð var fundin, en þetta er samt jákvætt og maðurinn sýnir þó iðrun, nokkuð annað en allir hinir kongarnir. Næst held ég að Lárus Welding sem fékk á silfurfati heilar 300 milljónir bara fyrir að hefja störf í gamla Glitni og setja á hausinn á mettíma borgi alla þá upphæð upp á krónu til baka, að maður tali nú ekki um Icesafe klúðrarana Halldór og Sigurjón , þeir ættu að sitja á Hrauninu fyrir það fyrsta.

[Ragnar Aðalsteinn Guðjónsson, 5.1.2009 kl. 21:05]

Verður maður ekki bara að vera bjartsýnn og vona að þetta sé bara byrjunin.

[Jóhannes Ragnarsson, 5.1.2009 kl. 21:10]

Að gera mér til hæfis í þessum efnum kostar ekki minna en að öllum ránsfengnum verði skilað til þjóðarinnar. Einnig að þjóðfélagið okkar verði samfélagsvætt undabragðalaust.

En Bjarni Ármansson á himnaríkisvist vísa, ég sný ekki aftur með það.

[Eggert Hjelm Herbertsson, 5.1.2009 kl. 21:32]

Jói, hann er viðurkennir þó mistök sín. Það var einnig merkilegt að heyra Bjarna dæma frjálshyggjuna dauða og ómerka.

[Jóhannes Ragnarsson, 5.1.2009 kl. 21:43]

Þó að Bjarni hafi dæmt frjálshyggjuna dauða og ómerka þá lifir sú ófreskja ágætu lífi í ríkisstjórninni, að því er ég best veit.

Á meðan ég man, Eggert: Ætlið þið í Samfylkingunni ekki að fara segja upp vistinni hjá Sjálfstæðisflokknum?

[Þórbergur Torfason, 5.1.2009 kl. 21:49]

Ekki heyrði ég Bjarna Ármannsson dæma neitt dautt og ómerkt í þessu viðtali þótt Sigmar hafi getað þvælt honum í að viðurkenna ákveðin mistök á endanum. Þetta var tilraun Bjarna Ármannssonar til að öðlast ofurlítið traust hjá landanum svo hann geti komið aftur í braskið. Maðurinn er vel gefinn en hann hefði átt að láta tengdamóður sína skrifa fyrir sig handritið.

[Skarfurinn, 6.1.2009 kl. 09:34]

Valves það sem ég átti við að Bjarni endurgeiddi þó 370 milljónir miðað við að aðrir hafa ekki greitt krónu=0,  til baka, að því leyti fannst mér þetta þó jákvætt en tók sérstaklega fram að deila mætti um að upphæðin væri í lægri kantinum, þú ert greinilega mjög reiður núna Ágúst VALVES en ekki reyna að snúa útúr.