Framsóknarvírusinn herjar á útlendinga

Ég hefi nú fengið óyggjandi staðfestingu á því sem mig grunaði: semsé að hinir útlensku slagsmálahundar í Lönguhlíðinni séu einmitt þeir hinir sömu útlendingar og gengu í Framsóknarflokkinn nú eftir áramótin. Það má ljóst vera að blessaðir mennirnir hafa, allir sem einn, smitast af þeim skæða framsóknarvírus sem veldur m.a. sundurlyndi, flokkadráttum, klíkumyndun, sálsýki og geggjun. Vesalings útlendingarnir hafa afskaplega lítið mótefni í sér gegn svo illskæðum vírusi og er því ekki að undra að frá þeim hafi hvarflað vit eftir að sóttin hafði lagst á þá af fullum þunga. Í ljósi atburðanna í Lönguhlíð í gærkvöldi, getur Landlæknisembættið ekki skorast lengur undan að sprauta alla einstaklinga sem eru af erlendu bergi brotnir við framsóknarvírusnum, annars er stórfelld hætta á að hér blossi upp borgarastríð af verra taginu.

Hópslagsmál í Lönguhlíð

Athugasemdir

[Ásthildur Cesil Þórðardóttir, 8.1.2009 kl. 10:38]

 Ertu vitlaus maður.  Þetta er algjörlega rasiskur hugsunarháttur, það má ekki bólusetja útlendinga, hvað þá biðja þá um sakarvottorð.  Það er svo dónó við þá.  Láttu mig um að þekkja þau viðbrögð.

[Níels A. Ársælsson., 8.1.2009 kl. 13:27]

Hahahahahahahaha !

Góður !

[Jóhannes Ragnarsson, 8.1.2009 kl. 19:27]

Neinei, ég held að það sé engin hætta á farsótt, framsóknarvírusinn hefur verið á góðu undanhaldi síðustu ár. Því miður eru margir einstaklingar mjög heilsulausir eftir að hafa verið sárþjáðir af þessari óþverrapest svo árum og áratugum skiftir. Og til eru furðumörg tilfelli þar sem fullvíst er talið að framsóknarvísrussjúklingar hafi bókstaflega andast úr veikinni. Það ku vera hræðilegur dauðdagi.