Skemmdarverk vandræðagemlinga og grillufangara

Djöfulsins glæpamenn eru þessi ófyrirleitnu frjálshyggjuviðrini. Þau ætla ekki að láta staðar numið þó að hugmyndafræði þeirra sé hrunin til grunna með hroðalegum afleiðingum.

Um leið og postulinn Guðlaugur Þór kvaðst ákveðinn í að færa allar skurðlækningar frá St. Jósefsspítala til Keflavíkur birtist bæjarstjóranefnan í Reykjanesbæ, kunnur frjálshyggjugöltur, og segir mikilvægt að Reykjanesbær taki við allri heilbrigðisþjónustu í bænum til að afhenda hana útrásarvíkingnum og peningageðsjúklingnum Róberti Wessmann til að græða á. Hverskonar djöfulsins vinnubrögð eru þetta og framkoma?

Oft var þörf, en nú er nauðsyn, að stoppa glæpahyskið af með góðu eða illu. Það er ekki hægt að horfa uppá vandræðagemlinga og grillufangara vinna samfelld skemmdarverk á öllum sviðum þjóðlífsins.

Bærinn vill verja sjúkrahúsið

Athugasemdir

[Ævar Rafn Kjartansson, 8.1.2009 kl. 16:46]

Það virðist vera einhver keppni í gangi milli ráðherranna um hver þeirra sé mesta fíflið. Guðlaugur kemur sterkur inn með þessum „skemmtilega“ afleik óhugsuðum útfrá öðru en tölfræðikúnstum frjálshyggjunnar. Hvort Geir eða Grani (BB) eigi svo vinninginn eða dýralæknirinn ætla ég ekki að dæma um en Ingibjörg með sína skoðun á hverjir séu þjóðin og nýjasti álhausinn í Iðnaðarráðuneytinu fylgja þeim fast á eftir. Eina leiðin fyrir Kristján Möller til að komast inn í leikinn er að grafa göng til Eyja!

[Heidi Strand, 8.1.2009 kl. 16:49]

[Veraldarálfurinn (IP-tala skráð) 8.1.2009 kl. 16:55]

heir heyr

[Hólmfríður Bjarnadóttir, 8.1.2009 kl. 17:28]

Hef ekki kynnt mér tillögurnar ýtarlega en við fyrsta yfirlestur eru þær skynsamlegar og praktískar. Vinsælar verða þær ekki og það hefði ekki skipt neinu máli hverjar þær hefðu orðið.
Það er eins og að ætla sér að slátra heilagri indverskri kú að ætla að breyta einhverju í því kerfi. Þar eru kóngar og drottningar á hverju horni og allir verja sitt vígi sem mest þeir mega.
Bara það að færa starfsemi milli hæða og endurskipuleggja eina litla 30 rúma stofnun úti á landi með stækkun og endurgerð á húsi, getur verið stórmál. Ég þekki slíkt af eigin raun og tel mig því vita nokk um hvað málið snýst. Það skal tekið fram að þessar breytingar tókust sérlega vel, svo ekki sé meira sagt. Nú er þessi stofnun sérlega notaleg og þægileg í alla staði, aðstaða vistmanna fyrir og eftir breytingar er eins og svart og hvítt.

[Jóhannes Ragnarsson, 8.1.2009 kl. 18:32]

Það er eins og þú misskiljir eitthvað Hólmfríður mín. Ákvaðanir Guðlaugs frjálshyggjupotula í heilbrigðiskerfinu er ekki beint gegn neinum kóngum og drottningum, þær eru þvert á móti kokkaðar af kóngum og drottningum, sem liður í að einkavæða sem mest í heilbrigðiskerfinu. Til þess eru refirnir skornir, Hólmfríður mín.

Samfélgslega rekið heilbrigðiskerfi er í sjálfu sér heilög kú, ef þannig má að orði komast. Heilbrigðiskerfið á alls ekki að vera gullnáma fyrir peningakerfi þeirra gróðasjúku með þeirri mismunum sem því fylgir.