Jóhannes Ragnarsson

20.1.2009 | 20:42

Loksins er hin raunverulega bylting hafin

Mikið dáist ég að því fórnfúsa fólki sem umkringt hefur Alþingishúsið í allan dag. Það á heiður skilið. Um leið sakna ég þess að vera fjarri vettvangi og geta ekki tekið fullan þátt í þeirri byltingu sem nú er hafin.

Það er ljóst að dagar hins gjörspillta valds, sem fengið hefur að dafna ein og ofalið villidýr, er brátt taldir, sem betur fer. Krafan um kosningar strax, raunverulegt lýðræði og jöfnuð verður ekki stöðvuð, það eru aðeins steingelt þráhuggjufólk og heimskingjar, sem láta sér detta í hug að að hið ríkjandi vald, spillingaröflin, hafi sigur í því stríði sem nú er háð.

Þá er gleðilegt, að samfylkingarfólk virðist vera að rakna úr ríkisstjórnarrotinu. A.m.k. gladdist ég að heyra félaga Karl Matthíasson, þingmann Samfylkingarinnar, lýsa því yfir í sjónvarpsféttunum á RÚV, að í hjarta sínu stæði hann með fólkinu sem mótmælti við Alþingishúsið í dag og gaf jafnframt í skyn að hann styddi ekki ríkisstjórnina lengur.

Byltingin er hafin! - og hún mun sigra!!!