Mynd af elítu og liðónýtum dekurdýrum

Á meðfylgjandi mynd gefur að líta þrjá merka félaga í Flokkseigendaelítu VG, þau Álfheiði Ingadóttur, Steingrím J. Sigfússon og Svandísi Svavardóttur, ásamt þremur stórskrýtnum og liðónýtum dekurdýrum elítunnar, þeim Katrínu Jakobsdóttur, Sóleyju Tomm og Ólafi Þór Gunnarssyni hinum góða.

Lesendum til glöggvunar, þá er það einmitt þetta fólk, sem heldur stjórnmálaflokknum Vinstrihreyfingunni grænu framboði í herkví framsóknarmennsku og íhaldsdaðurs. Og enginn veit hvar maður hefur slíka ,,vinstri" elítu í raun og veru. En eitt er víst: róttækni elítunnar er útþynnt mjög og öll í skötulíki.

Ekki fer á milli mála, að glatt var á hjalla í Félagi Flokkseigenda VG þegar myndin var tekin enda ráðherrastólar í augsýn.   

Falið að mynda stjórn

Athugasemdir

[Jóhannes Ragnarsson, 27.1.2009 kl. 19:08]

,,Fyrir nokkrum árum gekk ég til liðs við Vinstrihreyfinguna grænt framboð, þar sem ég taldi að hugsjónum mínum væri þar best borgið. Nú gegni ég þar mikilvægum trúnaðarstörfum, er ritari flokksins og varaborgarfulltrúi og hef sem slík unnið af krafti við að halda femínískum áherslum flokksins á lofti og náð talsverðum árangri." Sóley Tómasdóttir, ritari VG, dekurdýr og efrimillistéttarfémínísti.

Þessi innblásnu skrif frú Sóleyjar Tomm má finna efst á bloggsíðu hennar. Það má velta fyrir sér, hversvegna frú Sóley taldi öfgafullum efrimillistéttarfémínísma sínum best borgið innan VG. Hefði Sjálfstæðisflokkurinn ekki verið betra fórnarlamb?

Þá gerir frú Sóley mikið úr árangrinum sem hún hefur náð í fémínísma innan VG. Þessum mikla árangri er best lýst með því að á tímabili var fémísnísmi Sóleyjar og hennar líka, búinn að koma slíku óorði á VG, að forystusveit flokksins varð skelfingu lostin og tók í taumana.