Vinna sig útúr hatursferlinu

Fyrir fjórtán eða fimmtán árum féll Kolbeinn Kolbeinsson, góðvinum þjóðarinnar, í greipar hórdóms og fór að halda við Sigurveigu D. Holm. Fyrir algjöra slysni komst frú Ingveldur, eiginkona Kolbeins, að framferði bónda síns og brást við með því að leggja einbeitt hatur á Sigurveigu D. Í heilt ár lét frú Ingveldur stjórnast af grímulausu hatri og aftur hatri. Hún laug hroðalegum sögum uppá Sigurveigu og rúði hana öllu mannorði um aldur og ævi; sat fyrir henni á mannamótum og leitaðist við að gera hana hægilega; hringdi í hana og hótaði líkamsmeiðingum og enn meira mannorðsmorði. Samhliða skefjalausu hatri á Sigurveigu D. terroríséraði frú Ingveldur mann sinn á þann hátt sem lengi verður í minnum haft.

Um síðir tókst frú Ingveldi að vinna sig útúr hatursferlinu með því að nauðga Sigurveigu D. og Eyleifi manni hennar báðum í einu á heimili þeirra hjóna. Þegar frú Ingveldur kom aftur heim til sín að afloknu velheppnuðu dagsverki, greip hún Kolbein Kolbeinsson og gerði honum svo brött skil að hann lá fótavistarlaus í rúman hálfan mánuð á eftir.

Af þessari litlu sögu má ráða, að hatrið, sé það nógu innbláisð, getur gert hreinustu kraftaverk, meðal annars velt ríkisstjórnum um koll og meira að segja sjálfum Sjálfstæðisflokknum undir stjórn Gjeirs Haaarde og yfirstjórn Davíðs Oddssonar og Hanezar Há Gizzirizz. 

Geir: Stjórnuðust af hatri

Athugasemdir

[Hlédís, 30.1.2009 kl. 17:44]

þakka góða sögu, kæri Jóhannes friðflytjandi!

Ekki veitir af fallegum sögum nú á þessum síðustu..;)

BTW; Tókstu eftir að ALLIR KOMU ÚT af fundinum sem Össi ,blessað barnið,  sagði að enginn kæmi út af nema rekinn úr stjórn!

Hef verið burtu frá bloggi um hríð, svo veit ekki hvort Mogg-Blogg-Heimur hefur tekið eftir þessu ;)

[Jón Ragnar Björnsson, 31.1.2009 kl. 22:13]

Takk fyrir æði góð sögu.

Fótavistarlaus er nýyrði sem bragð er að!