Illa ofin sauðargæra hinna reyndari húskarla

Ójá, ekki er það til farsældar fallið að reiða sig á hina elliæru og dauðvona Framsóknarmaddömu. Engu breytir þó gamla hræið hafi komið sér upp hálfsofandi yfirhúskarli á þokkalegum aldri. Við banabeð Maddömunnar voka eldri og reyndari húskarlar, sem hafa þann starfa að stjórna þeim syfjaða eins og leiðinlegri strengjabrúðufígúru. Hinir reyndu húskarlar heita nöfnum eins og Finnur Ingólfsson, Ólafur Ólafsson, Alfreð Þorsteinsson og Halldór Ásgrímsson, og eru þekktir fyrir að hafa sitt fram og halda sínum hlut. Að þeirra undirlagi var ofin sauðargæra úr fyrirbærunum Sigmundi Davíð, Birki Jóni og Eygló Harðar til að breiða yfir fráhrindandi og gráðugt ginið á hinum reyndu og slóttugu úlfum.

Þó Sjáfstæðisflokkurinn sé kominn í sorpdallinn er það ekki nóg, Framsóknarflokkurinn verður að hafna þar líka. Ástæðan er augljós: Samtök þjóðníðinga og glæpamanna ber að uppræta og í eldsofnin kasta.

Ný ríkisstjórn eftir helgi