Harðir sjálfstæðismenn og undirgefnir hundar

Það er nú þannig með marga óbreytta ,,sjálfstæðisflokksmenn" að þeir kjósa sinn Sjálfstæðisflokk upp aftur og aftur, hvað svo sem foringjar sama flokks gera á hluta þeirra. Jafnvel þótt foringjarnir tækju húsin þeirra, bíla og eiginkonur og köstuðu hægðum framan í þá þegar ekkert væri lengur að hafa af þeim, myndu þessi grey stjákla á kjörstað við næstu Alþingiskosningar og kjósa sinn Sjálfstæðisflokk með glöðu geði. Svona auðnuleysingjar kalla sig ,,harða sjálfstæðismenn" og eru stoltir af. Þeir taka ævinlega og hiklaust afstöðu gegn stéttarsystkinum sínum og eru þá hortugir og fjandsamlegir, en um leið og ,,íhaldshöfðingi" nálgast breytast þeir á svipstundu í undirgefna hunda og sýna þarmeð í verki hve sjálfstæðir þeir eru í raun og sann.

Fjöldastuðningur við Sjálfstæðisflokkinn er bæði sálfræðilegt og menningarlegt vandamál hjá íslensku þjóðinni. Guð gefi að vísindasinnaðir sálfræðingar og geðlæknar beri gæfu til að finna upp lyf eða meðferð sem gæti læknað þetta andstyggilega mein. 

Sjálfstæðisflokkur stærstur

Athugasemdir

[Katrín Snæhólm Baldursdóttir, 3.2.2009 kl. 21:13]

Oh my god.....ég botna hvorki upp né niður í kjósenedum. Bara alls ekki.

[Jóhannes Ragnarsson, 3.2.2009 kl. 21:21]

Á sama hátt og þjóðin barðist við breklaveikina ætti hún að leggja til atlögu við sjálfstæðisflokksmeinsemdina. Það er nefnilega fleira þjóðarböl en Bakkus gamli og berklarnir.

[Páll Jónsson, 3.2.2009 kl. 21:28]

Meh... Pólitík er merkilegt nokk ekki bara bundin við frammistöðu. Það væri t.a.m. fráleitt fyrir hægrimann að kjósa VG þar sem afleiðingin yrði jafnslæm fyrir landið (að mati hægrimannsins) hvort sem VG stæði sig vel eða illa.

Og sama gildir auðvitað um vinstrimann, hann færi ekki að kjósa X-D í næstu kosningum ef hann teldi stefnumál hans beinlínis skaðleg, sama hversu mikið sem VG tækist að klúðra á næstu mánuðum.

Spurningin er því af hverju hægrimenn hafa ekki færst meira til Framsóknar eða Samfylkingar eftir allt klúður sinna manna. Kannski vegna Evrópumála? Ég veit það ekki.

Vantar ekki bara nýjan valkost hægra megin?

[Kristbjörg Þórisdóttir, 3.2.2009 kl. 21:33]

Sæll Jóhannes,

ég hef fæsta af þessum mönnum séð get ég sagt þér. Mín stefna er að læra af fortíðinni, lifa í núinu og horfa til framtíðar :). Hafðu það gott!

[Ásthildur Cesil Þórðardóttir, 4.2.2009 kl. 13:39]

Ég er algjörlega sammála þér þarna Jóhannes.  Þetta er ekki pólitík þettar eru trúarbrögð.  

[Hlédís, 4.2.2009 kl. 15:52]

Of margir Vesalingar standa alltaf með þeim sem telja sterka. Ég veit ekki um ykkur, en mér var, ungri, kennt að styðja þann er stæði höllum fæti. Stolt var ég því af barnabarninu sem kom heim með bekkjarbróður, nýkominn í skólann og sagði okkur síðar: "Ég er vinur hans af því hann er hafður útundan"

[Þórbergur Torfason, 4.2.2009 kl. 22:49]

Jóhannes. Er ekki uppi önnur hlið á sama teningi þegar við sjálfir eigum í hlut. Ég held að Steingrímur J þurfi að klúðra illilega svo við förum að velta sexhyrningnum og leita annarra valkosta.

Annars baráttukveðjur á Nesið

[Páll Jónsson, 5.2.2009 kl. 15:26]

Að minnsta kosti yrði Sigurður Kári varla ykkar fyrsti kostur er það?

[Ólafur Ragnarsson, 5.2.2009 kl. 17:10]

Tek undir með þér.Ein góð eldri kons sagði við mig í fyrra:"Pabbi og mama kusu alltaf XD.Og ég og maðurinn minn höfum alltaf gert það.Mér líkar ágætlega við þessa kalla".Því miður er þetta algeng skoðun hjá XD fólkinu.Ættgeng fylgni,

[Hlédís, 5.2.2009 kl. 17:59]

Ættgengur fj....! - með heiðarlegum undantekningum :)