Hysterískir auðnuleysingjar

Alveg er dásamlegt að fylgjast með skrifum áhangenda Davíðs Oddssonar þessa dagana, undirlægjuhættinum, heimskunni og hræsninni sem þessir auðnuleysingjar virðast búa yfir í ríkum mæli. Að reyna að efna til hysterískrar samúðar með Davíð Oddssyni er þar á ofan ósvífni af síðustu sort. Hver var það annars sem stóð í fylkingarbrjósti við að ryðja frjálshyggjubrautina, sem kom landinu á vonarvöl? Var það ekki þessi brjóstumkennanlegi Davíð, með Hannes Hólmstein og Halldór Ásgrímsson sér við hlið? Mig minnir það. Það getur varla verið að vitibornu fólki sé alvara með því að skaðvaldurinn Davíð Oddsson eigi að sitja eins og ekkert hafi í skorist í Seðlabankanum.

 

 

Mótmælt við Seðlabankann

Athugasemdir

[DoctorE (IP-tala skráð) 9.2.2009 kl. 09:32]

Það setur að manni hroll að sjá fólk styðja DO... það gera bara frávita hjarðdýr sem geta ekki hugsað sjálfstætt... svona eins og bókstafstrúarfólk

[Flosi Kristjánsson, 9.2.2009 kl. 09:49]

Hysterískir auðnuleysingjar! Og ég sem hélt að þú værir að lýsa Regnbogahópnum hans Harðar Torfa! En ég vitlaus!

[Þráinn Jökull Elísson, 9.2.2009 kl. 09:57]

Það er löngu kominn tími á Dabba karlinn. Hann hefur bara ekki uppgötvað það enn.

[Hlédís, 9.2.2009 kl. 10:11]

Sveinn litli gerði Boggu gömlu blinda

á báðum augum, strákanganum leiddist

og rak í augu henni hrífutinda.

Þið hefðuð átt að sjá hve kelling reiddist!

Þessi ameríski 'húsgangur' á ekki beint við hér - nema hvað þjóðarkellingingin er orðin soldið sona pirruð út í afleiðingar af valdabrölti DO og kó!

[Jóhannes Ragnarsson, 9.2.2009 kl. 10:49]

Mér finnst amríski húsgangurinn um viðskipti Sveins litla og Boggu gömlu eiga ágætlega vel við í þessu sambandi.