Heljarmennið þorir ekki að mæta í vinnuna

Það lítur út fyrir að heljarmennið Davíð Oddsson þori ekki að mæta í vinnuna í dag af ótta við að verða rassskelltur úti á götu fyrir framan fjölda manns. Hinsvegar hafa borist fréttir af því að ljúflingurinn Óli Klemm, húskarl í Seðlabankanum, hafi keyrt utan í mann í morgun á hlaði Seðlabankans. Það er áreiðanlega best að láta þennan Klemmara fjúka um leið og Davíð því ætíð er farsælast að asninn fylgi eyrunum, eins og kunnugt er. En ósköp er nú hlálegt að Davíð skuli vera eins blauður og raun ber vitni; í stað þess að mæta vinnuna, sem hann vill alls ekki sleppa, skríður hann skjálfandi og hágrátandi undir rúm heima hjá sér á nærklæðunum einum fata. Vonandi laumast Hannes okkar hérna Hólmsteinn heim til seðlabankastjórans og heldur honum selskap undir rúminu. Þeir gætu, frekar en ekkert, raulað saman fáein vers eftir Milton Friedman sér til hugarhægðar meðan þeir bíða örlaga sinna.

Fækkar við Seðlabankann

Athugasemdir

[Hlédís, 9.2.2009 kl. 11:20]

Enn athygliverðara en að skríða undir rúm er hamfarir dynja yfir.  DO fór til mömmu..

.. segir í einu vefblaðinu!

[Jóhannes Ragnarsson, 9.2.2009 kl. 12:09]

Hræddur er ég um að Þorgeir Hávarsson hefði ekki skriðið undir pilsið mömmur sinnar þá ófriður var í boði.

[Níels A. Ársælsson., 9.2.2009 kl. 23:09]

Ó nei ekki Þorgeir.

En þetta er eitt það besta í langan tíma;

"farsælast að asninn fylgi eyrunum, eins og kunnugt er"

Þér að segja !

[Hlédís, 9.2.2009 kl. 23:16]

Engin hvönn fyrir hendi, enda mamma traustari!