Stórtennt fiskeldisdrottning af aðalsættum

Heldur gerast þær stórtenntar í dag sleggjurnar í betri stofu flokkselítu VG og forvelja sjálfar sig hver um aðra þvera uppá efstu prik framboðslista sinna. Í gær var það eðalblókin Árni Þór sem lét á sér kræla og í dag hvorki meira né minna en sjálf sendiherradóttirin Swandees og fiskeldisdrottningin Áflheiður Ingadóttir, en báðar er þær snilldarkvinnur af háum aðli, erfðaprinsessur, rétt bornar til eignar á pólitískum hreyfingum sem einusinni voru sósíalískar. Ekki er að efa að almennir félagar í VG muni, af alkunnri heimsku sinni og skorti á alýðlegu innsæi, veita stórhluthöfum í VG ehf. gott brautargengi til alþingisframboðs. Þeim verður væntanlega að góðu. 

Álfheiður sækist eftir 1.-2. sæti

Athugasemdir

[Héðinn Björnsson, 18.2.2009 kl. 09:55]

Ekki vera fúll; vertu með! Við getum komið á breytingum saman.

[Jóhannes Ragnarsson, 18.2.2009 kl. 12:20]

Það vill nú þannig til, Héðinn, að ég er löngu hættur að vera meðvirkur í pólitík. Álfheiður Inga, Svandís og Árni Þór ætla sér ekki að koma á neinum breytingum, allrasíst afgerandi breytingum. Þau eru öll rækilega innvinkluð í samtryggingakerfi stjórnmálaflokkanna og munu aldrei hætta sér út fyrir það kerfi. Meint vinstrimennska er einungis í nösunum á þessu liði.

Hinsvegar vil ég koma á gagngerum breytingum á þjóðfélaginu með þér og öðru góðu hugsjónafólki. Helst vildi ég að hægt væri að bjóða kjósendum uppá raunverulegan sósíalískan vinstriflokk.

[Héðinn Björnsson, 18.2.2009 kl. 18:11]

Hvað ertu tilbúinn að leggja á þig? Ég er sammála því að það vannti sósíalískan vinstriflokk en ég er ekki tilbúinn að nota mikið meira en 10-15 tíma á viku í pólitík og hef því hingað til ekki talið mig ráða við að stofna slíkan flokk og því valið að reyna að toga þann flokk sem er lengst til vinstri lengra til vinstri. Ef við gætum náð saman hóp sem gæti notað svona 500 vinnustundir á viku samanlagt í þetta verkefni væri þetta kannski gerlegt en ég hef enn ekki hitt neina sósíalista sem reynast vera tilbúnir að leggja á sig vinnuna sem þetta krefst. Meðan svo er ekki mun ég halda áfram að gera það sem ég get til að toga VG til vinstri. Hefur þú betri hugmynd að biðleik?