Verkakonan og menntaelítan

Það er útaf fyrir sig gleðilegt að kona sem titlar sig verkakonu og leggja áherslu á verkalýðsmál skuli sækjast eftir 3. sæti á lista VG í Kraganum. Nú er það svo að verkalýðsmál eiga ekki uppá pallborðið hjá flokkseigenda- og menntaelítunni sem ræður lögum og lofum í VG og í reynd hefur tekið þann flokk í gíslingu. Það verður því fróðlegt að fylgjast með árangri Margrétar í fofrvalsprófkjörinu atarna. En ég leyfi mér að fullyrða að árangur hennar stendur og fellur með því hvort hún er innundir hjá flokksklíkunni eður ei. Af einhverjum ástæðum giska ég á að Margrét þessi eigi sæmilegt innhlaup hjá klíkunni og þar með þó nokkra möguleika á að ná 3. sætinu.

Vill 3. sæti á lista VG í Suðvesturkjördæmi

Athugasemdir

[Þórbergur Torfason, 18.2.2009 kl. 20:56]

Hún flýgur inn Jói. Annars er orðið gríðarlegt framboð af frambjóðendum fyrir VG. Það þyrfti að fjölga þingmönnum um að minnsta kosti helming.

[Þórbergur Torfason, 18.2.2009 kl. 21:02]

Með stuðningi við Margréti og fleiri þá sem koma úr umhverfi daglaunafólks, náum við VG lengra til vinstri Jói. Bara leggjast á árar, ekki lyklaborð.

[Jóhannes Ragnarsson, 18.2.2009 kl. 22:10]

Það er nú það, Þórbergur, ég veit svosem ekki hve vinstrisinnuð þessi Margrét er, en hef grun um að hún aðhyllist dólgafémínísma að hætti Sóleyjar Tomm og Kolbrúnar Halldórs. Ég er ansi smeykur um að umræddur fémínísmi verði VG fjötur um fót í kosningunum ef hann verður eins umfangsmikill og allt lítur út fyrir að hann verði.

Annars er engu líkara en búið sé að stilla upp, á bak við tjöldin, í fjögur efstu sætin í Kraganum.

[Vésteinn Valgarðsson, 19.2.2009 kl. 00:29]

Það mætti a.m.k. halda að það sé búið að stilla upp í 1. og 2. sætið í Kraganum. Nú veit ég ekkert voðalega mikið um Margréti, en miðað við ræðu hennar á fyrsta borgarafundinum sem haldinn var í Háskólabíói, þá ég ég nokkuð jákvæður.

[Vésteinn Valgarðsson, 19.2.2009 kl. 13:25]

Ég held hún sé góður gæi, ef svo má að orði komast.