Minismerki, komandi kynslóðum til varnaðar

Þær eru flottar saman flokkssysturnar Katrín Jak og Hanna Birna, og þegar frú Swandeez Sendiherradóttir bætist við er söngurinn álíka fagur og hjá Grýlu í kvæðinu hans Jóhannesar úr Kötlum.

Og nú hafa þær hugsjónasystur semsé undirritað í sameiningu viljayfirlýsingu um að halda áfram að byggja Tónlistarhöllina Miklu við Reykjarvíkurhöfn og undirrituðu þar með í leiðinni forréttinda- og yfirstéttareðli sitt.

Miklu best væri að láta Tónlistarhrófatildrið standa eins og það er á sig komið sem minnismerki, komandi kynslóðum til varnaðar, um uppskafningshátt og græðgisofsa frjálshyggjuhamfaranna 1991-2008. Af og til mætti svo hífa Egil Ólafsson og önnur slík afturfótafiðrildi uppí gluggatóftirnar á minnismerkinu og láta þau grenja þar upp sína tilgerðarlegu sultarsöngva.  

Allt að 600 störf vegna framkvæmda við Tónlistarhús

Athugasemdir

[Sigurbjörn Sveinsson, 19.2.2009 kl. 17:51]

Er eitthvað jákvætt í þínu lífi? Þetta hlýtur að vera erfitt. Bara raunalegt. Ég held þú hafir Svandísi fyrir rangri sök að reyna að klína á hana e-u fyrir að vera dóttir hans pabba síns. 

[Jóhannes Ragnarsson, 19.2.2009 kl. 18:13]

Hvaða vitleysa, Sigurbjörn minn Sveinsson, ég er afar jákvæður maður og réttsýnn. Og þó að ég gagnrýni persónur og leikendur í Vinstrihreyfingunni fyrir plat-vinstrimennsku, stafar það ekki af neikvæðni heldur af fyrirliggjandi staðreyndum og innsæi.

[Rauða Ljónið, 19.2.2009 kl. 18:21]

Sæll. Já óðrásía og rugl húsið á að stand eins og það er og vera minnisvarði um brjálæðingana sem sett landið á hausinn.

Kv. Sigurjón Vigfússon

[Ólafur Þórðarson, 19.2.2009 kl. 18:34]

Ég verð nú að viðurkenna að mér þótti nú bloggið svoldið fyndið.