Kynþokkafullur ofurbolti ætlar þing

Nú ku brostin á mikil múgfirring meðal kvenna í Norðausturkjördæmi vegna framboðs Tryggva Þórs Herbertsstrasse. Í tugþúsundatali hafa konur fyrir norðan og austan keppst við að heita hinum kyþokkafulla Tryggva stuðningi sínum, því allar vilja meyjarnar eiga hann eins og segir í kvæðinu. ,,Aldrei hefur jafn æsandi karlmaður boðið fram krafta sína í þágu þjóðarinnar" sagði kona á norðurlandi við mig í síma í dag. Og önnur bætti um betur og sagði: ,,Hagfræðiylmurinn af honum verkar á mann frá hvirfli og niður að hnjám og maður hitnar öll eins og af rommi í heitu kaffi."

Tryggvi Þór Herbertsson vill á þing

Athugasemdir

[patty og selma, 19.2.2009 kl. 18:28]

herbersstrasse hahahahahaha

[Hafsteinn Viðar Ásgeirsson, 19.2.2009 kl. 19:34]

Já og kallað eftir honum sérlega vegna sérlegrar reynslu úr atvinnulífinu....? Ég man ekki eftir Herbertsstrasse nema sem blaðrara ofan úr Háskóla, sem nota bene hefur sjaldan verið neitt að marka. Hann fer sennilega inn á þessum kynþokka sem þú segir hafa uppgötvast í sveitum Norður og Austur....?

[Ingibjörg Friðriksdóttir, 19.2.2009 kl. 19:36]

Það er nú ljótt að gera gys að fólki, en mér finnst maðurinn svo óaðlaðandi að mér verður beinlínis flökurt.

En það er kannski ekkert að marka kommakvikindi eins og mig.

[Hlédís, 19.2.2009 kl. 23:23]

[Þórbergur Torfason, 20.2.2009 kl. 00:20]

Jæja Jói minn. Svo þú ert að spjalla við kellingar í norðaustri. Sú næsta sem þú heyrir í, spurðu hana um hurðirnar hjá Síldarvinnslunni meðan Tryggvi vann þar á lyftara part úr degi.

[Ásthildur Cesil Þórðardóttir, 20.2.2009 kl. 08:27]

Hvernig er það var þessi maður ekki innmúraður í viðburði líðandi stundar???

[halkatla, 20.2.2009 kl. 14:24]

ég hélt að þú værir að meina Bjarna Ben í fyrirsögninni, mér finnst hann klígjulegri heldur en Tryggvi og það hefur verið reynt að selja hann sem eitthvað kynþokkafullan en einsog allir vita þá eru VG-liðar þeir einu sem gætu hugsanlega selt slíkt

[Jóhannes Ragnarsson, 20.2.2009 kl. 14:50]

Ofan á öll hin óumdeilanlegu býsn af segulvirkandi kynþokka er Tryggvi Þór innmúraður, geirnegldur og krossfestur inní helgustu vé Valhallar þar sem menn græða á daginn og grilla á kvöldin.

En ég get ekki að því gert, en ég er mjög hissa á konum sem klígjar við hagspekingnum; það hlýtur að stafa af því að þær hafa aldrei fundið með eigin nefi af honum helgidómsilminn.

[Hlédís, 20.2.2009 kl. 19:39]

Nei. Ágúst! Í þeirra sporum myndu samdauna menn ræna á daginn og grilla á kvöldin! það er lógiskt ;)   FJÖLSKYLDU-VÆNT - jú -nó!