Ljósritið vann frumritið

Óttalegur bölvaður klaufaskapur var þetta hjá Einari Kr. að missa eitt ljósritið af sjálfum sér fram úr sér í blá-lokin. Hinu verður ekki á móti mælt að framboðslisti Sjálfstæðisflokksins í Norðvesturkjördæmi verður frábærlega vel kvótakerfisvæddur listi, sem er dásamlegt útaf fyrir sig í ljósi þess að umrætt kvótakerfi hefur virkað eins og svæsnar náttúruhamfarir á kjördæmið.

Í kosningunum í vor munu kvótakerfissamtökin Sjálfstæðisflokkur fá 12-15% í Norðvesturkjördæmi og ekki brotabrot úr prósenti fram yfir það.

Ásbjörn vann baráttuna við Einar

Athugasemdir

[Hafsteinn Viðar Ásgeirsson, 22.3.2009 kl. 19:01]

Það ætti bara ekki að vera mögulegt að ná þarna árangri fyrir flokk sem hefur annað eins á bakinu og Sjálfgræðisflokkurinn hefur í kjördæminu.

[Jóhannes Ragnarsson, 22.3.2009 kl. 19:03]

Að öllu eðlilegu ætti það alls ekki að vera hægt, Hafsteinn.

[Hlédís, 22.3.2009 kl. 19:58]

Hvenær hefur allt verið eðlilegt í íslenskri pólitík - eða þeirri gömlu tík yfirleitt?

[Jóhann Elíasson, 22.3.2009 kl. 21:54]

Ég er bara hissa á því að hann skildi ekki hafa vit á því sjálfur að tilkynna það að hann ætlaði að hætta í pólitík en kannski var ekki við því að búast að hann myndi sýna þá skynsemi.

[Þórbergur Torfason, 23.3.2009 kl. 20:28]

Ási verður væntanlega ekki daglegur gestur á neðri hæð hafnarvogarinnar í Ólafsvík?

[Ingibjörg Friðriksdóttir, 24.3.2009 kl. 15:33]

 Þeir eru svo miklir kjánar sjallavallarnir fyrir vestan.

[Jóhannes Ragnarsson, 24.3.2009 kl. 16:42]

Það eru allir velkomnir í heimsókn í hús Hafnarvogarinnar í Ólafsvík, Þórbergur, meira að segja frambjóðendur á atkvæðasnapi, þannig að Ása er velkomið að líta inn.

Reyndar fengum við á Hafró ljósmynd af frambjóðandanum Ásbirni í magasýnapoka frá ónefndu fiskiskipi í Ólafsvík.