Þúfutittlingur steytir görn

Þegar vitrir og góðgjarnir menn í Sjálfstæðisflokknum höfðu komist að þeirri viturlegu niðurstöðu, að best væri að kenna Guðlaugi Þór Þórðarsyni um að hafa betlað nokkra tugi miljóna útúr FL-Grúppinu og BjörgólfsLandsbankanum fyrir fjárvana Flokkinn, bregður svo við að nefndur Guðlaugur Þór rýkur upp eins og grimmur þúfutittlingur og neitar blákalt að hann hafi staðið í miljónabetlinu. Af þessu framferði Guðlaugs Þórs má ráða að hann er ekki reiðubúinn að fórna sér fyrir Flokkinn og Málstaðinn og ætti því að vera brottrækur gjör úr helgidómi Sjálfstæðisflokksins; svona manni er ekki treystandi þegar mikil vá steðjar að. Og af því að páskahátíðin er að ganga í garð, er ekki nema sjálfsagt að minna á að ekki baðst Kristur undan að verða krossfestur fyrir sinn flokk og sinn málstað. Það verður þó að taka fram í því sambandi, að Guðlaugur Þór Þórðarson, fyrrverandi mentamálaráðherra, er ekki haldinn guðlegri náttúru af neinu tagi og þar af leiðandi enginn Kristur. Gáum að því lesendur góðir.

Guðlaugur Þór: Ég óskaði ekki eftir styrk

Athugasemdir

[Finnur Bárðarson, 9.4.2009 kl. 17:23]

Bara svo vel skrifuð færsla Jóhannes, engin komment að öðru leiti

Kveðja

[Vésteinn Valgarðsson, 9.4.2009 kl. 22:13]

Tek undir það.

Jói, fékkstu einkaskilaboð sem ég sendi þér í gærkvöldi eða í dag?

[Níels A. Ársælsson., 9.4.2009 kl. 23:32]

Hahahahah..........

Góður !

[Hafsteinn Viðar Ásgeirsson, 10.4.2009 kl. 08:34]

En Jóhannes, þúfutittlingurinn grimmi hafði með að gera sjúka og aldraða í sínum ráðherradómi. Að öðru leiti er þessi greining á ástandinu hnökralaus, ég hugsa að jafnvel þúfutittlingurinn sjálfur mundi ekki mótmæla...

[Jóhannes Ragnarsson, 10.4.2009 kl. 14:59]

Nú bregður svo við að þúfutittlingurinn sjálfur er orðinn næsta minnislaus; varð bæði sjúkur og aldraður á einum og sama deginum.