Atla Gíslason í kynskiptiaðgerð - strax

Ég er mest hissa á að VG-urnar á Suðurlandi skuli ekki hafa gengið alla leið og sent Atla Gíslason í kynskiptiaðgerð fyrir kosningar svo flokkurinn gæti státað af hreinræktuðum yfirstéttarfémínístum í þremur efstu sætum listans þar syðra.

Og ekki skil ég í jafn góðum manni og Þórbergi vini mínum Torfasyni að láta pakka sér niður í sjötta sæti eftir að hafa hreppt það fimmta.

Framboðslista VG í Suðurkjördæmi breytt

Athugasemdir

[Hlédís, 11.4.2009 kl. 15:57]

Stilltu þig nú gæðingur!

Sameinuð stöndum við en sundruð föllum við.  Atli er drengur sérlega góður og greinilega karlkyns. - Eru konur þessar ekki sómamenn?

Es: Jóhannes! Ég skrifaði þér ammrískan húsgang í einu bloggi mínu um daginn - úr sömu smiðju og  'Fóstru gömlu sem var að baka brauð' og 'Svein litla sem gerði Boggu gömlu blinda' Þessi passar svona hálfbeint og á ská um klappliðið sem hélt ekki vatni yfir glæfra-víkingunum!  Kem með hana hér ef þú vilt sjá.

[Jóhannes Ragnarsson, 11.4.2009 kl. 16:18]

Atli Gísla er mikill sómamaður, ekki vantar það, þó karlkyns sé. Eftir að hann varð oddviti VG á Suðurlandi hefur fylgið við flokkinn rokið þar upp. Auk þess er Atli mikill verkalýðssinni og hefur sýnt það í verki í áratugi í störfum sínum sem lögmaður. Kvinnurnar í öðru og þriðja sæti þekki ég hvorki haus né sporð á. Séu þær fémínístar vona ég að fémínísmi þeirra sé byggður á stéttarbaráttu verkafólks en ekki þessum borgaralega fémínísma sem riðið hefur röftum hvað ákafast hjá VG.

En komdu endilega með húsganginn þann amríska; góðar vísur eru aldrei of oft kveðnar, eins og við vitum.

[Óskar Helgi Helgason (IP-tala skráð) 11.4.2009 kl. 17:10]

Komið þið sæl; Jóhannes og Hlédís - sem önnur hér, á síðu !

Atli Gíslason er; jú, vafalítið vænsti drengur, en,........ helvítis rola, þá kemur að því, að sýna einhvern manndóm, gagnvart andskotans flokksforystunni, gott fólk - og stendur vart í lappirnar, gagnvart Þistilfirðingnum, og hirð hans.

Með beztu kveðjum; sem oftar og fyrri /

Óskar Helgi Helgason

[Hlédís, 11.4.2009 kl. 19:42]

Sælir, kæru landsbyggðar-jarlar!

Hér er vísan sem nefndi fyrr í dag og sagði þá."ammrískan húsgang í .. - úr sömu smiðju og  'Fóstru gömlu sem var að baka brauð' og 'Svein litla sem gerði Boggu gömlu blinda' Þessi passar svona hálfbeint og á ská um klappliðið sem hélt ekki vatni yfir glæfra-víkingunum! ":

 Jón litli skaut hana Gunnu systur sína

á sautján faðma færi og tókst að hitta.

Þá sagði hún mamma hans, hún Stóra Stína:

"Sá stutti verður einhvertíma skytta!"

------

Þá rifjaðist 4. vísan af þessum þýddu USA-vísum allt í einu upp fyrir mér núna áðan.  Þykir það gott, því lærði þær af próförkum bókar fyrir rúmum 50 árum!

Hann Sveinki er oft með árans hrekki.

Á eitri drap hann föður sinn.

Þá sagði hún mamma hans, Sveinki minn,

nei, sonalagað gengur ekki!

---

Góðar stundir!

[Óskar Helgi Helgason (IP-tala skráð) 11.4.2009 kl. 20:42]

Komið þið sæl !

Hlédís ! Við hljótum; að þakka þér - þetta innlegg, í bundnu máli.

Sjálfur; er ég, lélegastur míns frændgarðs, í þeim efnum. Þó; man ég einn Vestfirzkan, frá 15. öld - fremur en þeirri 16.

•                     Þekkir þú Val - sauðunum stal,
•                     klippinginn hafði hann sér til þvengja,

•                     öll skyldi Vala börnin hengja.                

 

Hygg; að hafi ekki síður verið vinsælt, á þeim tíma, og öllu þjóðlegra - en Mugison hinn Ísfirzki, og aðrir viðlíka snatar; hinnar Amerísku lágmenningar, hérlendir, svo sem.

Með; hinum beztu kveðjum, sem hinum fyrri /

Óskar Helgi Helgason

[Óskar Helgi Helgason (IP-tala skráð) 12.4.2009 kl. 18:14]

Síðbúin leiðrétting :

Átti að vera :    Þekkir þú Val - bjó í Mosdal

                         sauðunum stal, klippinginn 

                         hafði hann sér til þvengja; 

                         öll skyldi, Vala börnin hengja.

Afsakið; helvítis klaufaskapinn - og gleðilega Páska, gott fólk !

ÓHH 

[Hlédís, 12.4.2009 kl. 23:07]

Þakka, ÓHH!

Páskakveðjur í Árnesþing!