Einn af 5 bestu sonum þjóðarinnar

Auðvitað er fráleitt að draga Kjartan Gunnarsson inní einhvern tugmiljóna styrkjasubbuskap hjá Sjáfstæðisflokknum; hans heilaga nafn á betra skilið en trakteringar af þessháttar tagi. Kjartan hefur, eins alþjóð veit, áratugum saman verið einn af 5 bestu sonum þjóðarinnar, unnið störf sín af kostgæfni og alúð við skrifpúlt sitt í Valhöll af þeim innri friði sem fáum einum er gefinn. Við skulum láta Kjartan Gunnarsson í friði því hann er heilagur maður.

Fráleitt að draga nafn Kjartans inn í atburðarásina

Athugasemdir

[Björgvin R. Leifsson, 12.4.2009 kl. 23:34]

Kjartan er upprisinn og situr nú við hægri hönd Davíðs almáttugs og mun þaðan koma að dæma styrkveitendur og styrkþega.

[Guðmundur Pétursson, 12.4.2009 kl. 23:56]

Númer er hvað er boðorðið sem Kjartan var að brjóta?  7 er það ekki?

[Jóhannes Ragnarsson, 13.4.2009 kl. 00:40]

Sá upprisni íhaldshymmnasjóli, Kjartan Gunnarsson, hefur aldrei brotið eitt einasta boðorð.

En annars: Hvernig hljóðar þetta sjöunda boðorð, Guðmundur?

[Sverrir Einarsson, 13.4.2009 kl. 00:58]

Og ekki gleyma því Jóhannes að hann gerði það í mörg ár "launalaust" að eigin sögn, tók aldrei krónu fyrir vikið.

Eignaðist bara fyrir "tilviljun" hin ýmsu lönd sem borgin (undir stjórn SjálfstæðisFLokksins) hafði í bígerð í nánustu framtíð að yrðu byggingarlóðir. Og auðvitað var KG "fús" til að selja þessar spildur (ekki of mikið í einu) fyrir "rétt" verð. Hann gat nú ekki verið þekktur fyrir að standa í vegi fyrir útþenslu borgarinnar.........eða er það?

Þetta síðast nefnda átti reyndar ekki við undir það síðasta, en þá var líka kominn allt annar meirihluti í stjórn borgarinnar, það hafði auðvitað ekkert með pólitík að gera, bara helvítis frekja í borgarstjóra að vilja fá þetta á markaðsverði en ekki "réttu" verði

Annars bara þokkalega saddur eftir allt átið um páskana.

[Ólafur Ingi Hrólfsson, 13.4.2009 kl. 07:20]

Hann er nú ekki langur tíminn síðustu 12-14? árin sem Sjálfstæðisflokkurinn hefur ráðið borginni - viðskipti Kjartans eru ekki tengd flokknum og það mun vera rétt að aldrei þáði hann laun fyrir störf sín sem framkvæmdastjóri flokksins.

en eitt situr í mér sem virðist ekkert rætt

  hvernig er það með varaformann Samfylkingarinnar og klúður hans varðandi Valsmenn?

Þarf borgin enn að greiða 120.000.000 á ári í vexti af klúðrinu hans eða er búið að bjarga þeim málum - reyndar sá ég á sínum tíma ekki leið út úr því máli.

Datt þetta í hug vegna milljónatalsins undanfarna daga þar sem menn eru látnir fjúka fyrir að taka á móti löglegum styrkjum.

Þannig að hér er -

ÁSKORUN TIL SJÁLFSTÆÐISMANNA TÖKUM HÖNDUM SAMAN OG GREIÐUM HVERT UM SIG    KR. 5.000.-     Í STYRKTARMANNAKERFIÐ - TIL VIÐBÓTAR ÞVÍ SEM VIÐ GREIÐUM VENJULEGA. LÍKA ÞIÐ SEM ERUÐ EKKI INNI Í STYRKTARMANNAKERFINU NÚ ÞEGAR.10.000 MANNS - 50 MILLJÓNIR - MÁLIÐ LEYST.20.000 MANNS - 100 MILLJÓNIR - OG ALLT Í GÓÐUM GÍR.

Ólafur I Hrólfsson

[Hafsteinn Viðar Ásgeirsson, 13.4.2009 kl. 08:58]

Góður Björgvin, góður......En það þarf ekki að fara mörgum orðum um það Jóhannes, Kjartan er rómaður fyrir heiðarleika og sannsögli og má ekki vamm sitt vita...eða þannig var það þegar ég var þarna...Veit ekki hvar hann hefur tapað geislabaugnum, kannski lent í vondum félagsskap?

[Hlédís, 13.4.2009 kl. 09:37]

'Má ekki vamm sitt vita' er margræð setning. Til dæmis má enginn vamm FLokksins vita - og stendur til að kaupa slatta af heiðri handa honum í staðinn.  Mannfórnirnar dugðu ekki.