ESB-sjúkdómur Samfylkingarinnar, illvígt vandamál

Það stefnir allt í að hinn hákapítalíski ESB-sjúkdómur Samfylkingarinnar sé að verða að illvígu pólitísku vandamáli. Ef að Samfylkingin getur ekki sökum þessa sjúkdóms myndað ríkisstjórn með VG að afloknum kosningum, má fjandinn sjálfur hirða þann leiða öfuguggaflokk. Það getur ekki verið að stjórnmálaflokkur leggi svo mikið uppúr að gera landssölugrillur sínar að veruleika að enginn annar flokkur geti starfað með honum. Og VG verður að kveða skýrt að orði um að aldrei komi til greina að fara í ríkisstjórn sem hefur subbuleg föðurlandssvik eins og evrópusambandsaðild á dagskrá; draugagang á borð við ESB-reimleika Samfylkingarinnar verður að kveða niður af ákveðni og festu, í þeim efnum duga engar hálfkveðnar vísur.

Tvöföld atkvæðagreiðsla „slæmur kostur“

Athugasemdir

[Sigurbjörn Svavarsson, 14.4.2009 kl. 23:45]

Amen, eftir efninu.

En því miður smituðust kratar á Íslandi af alþjóðahyggjunni á þriðja og fjórða áratugnum. Íslenska kratahjartað hefur alltaf verið huglaust þegar kemur að því að verja þjóðarhagsmuni og vill hlaupa í skjól þegar á móti blæs.

Núna þegar fylgið hrynur af Sjálfstæðisflokknum, flykjast auðmennirnir til Samfylkingarinnar í von um að koma peningunum sínum í Evrur og unga fólkið sem veit ekki sitt rjúkandi ráð (enda ekki nema von í þessu helv... ástandi, að það sjái út úr skuldamálum sínum), rennur á loforðin hjá krötunum um nýtt líf ef við sækjum um ESB.

Jæja nóg um það í bili.

[Loftur Altice Þorsteinsson, 15.4.2009 kl. 20:44]

Ég er hjartanlega sammál þér Jóhannes, um að það versta sem getur komið fyrir þessa þjóð er að gangast Evrópusambandinu á hönd. Hins vegar sé ég ESB ekki sem draumaland fjármagnsins, heldur sem Gósenland Socialismans. Það er verið að breyta Evrópu í afturgöngu Ráðstjórnarríkjanna.

Innganga landsins í Evrópusambandið er slíkt trúaratriði fyrir Sossana, að ríkisstjórn með þeim innanborðs mun ekki lifa meira en tvö ár. Strax á fyrsta ári munu þeir finna átyllur til að koma ESB-málinu á dagskrá, þótt það sé ekki nefnt einu orði í stjórnarsáttmála.

Mín lausn á þessum vanda er minnihlutastjórn VG og Framsóknar, sem Sjálfstæðisflokkur veitti skjól í tvö ár. Til að halda Samfylkingunni frá málinu, er nauðsynlegt að Sjálfstæðisflokkurinn lýsi yfir stuðningi sínum fyrir kosningar.

Valdamál fullveldissinna er, að þeir bjóða ekki upp á hreina og skýra peningastefnu. Sumum finnst það þjóðlegt að halda í handstýrða flotkrónu, þótt allir vita að það er fáránlegt á tímum hnattvæðingar. Ég fæ ekki betur séð, en að menn séu að bíða eftir efnahagshruni númer tvö. Fullveldissinnum sést yfir, að við eigum þjóðlegan kost sem er "fastgengi undir stjórn myntráðs". Sú peningastefna leysir nær öll okkar vandamál.