Súpa úr kokkhúsi Finns, Óla, Dóra, Alfredós og Kögunarfeðga

Það held ég sé kræsileg súpa sem borin er fram úr eldhúsi Finns Ingólfssonar, Óla bónda á Miðhrauni, Halldórs Ásgrímssonar, Alfreðs Þorsteinssonar og Kögunarfeðga. Fyrir utan að vera bragðvond, óæt, er ég næsta vissum að umrætt súpugutl er heilsuspillandi, jafnvel baneitrað öðrum en innvígðum í miðstjórn Framsóknarfjóssins. Fyrir nokkrum árum fóru framsóknarkokkarnir að bragðbæta súpuna sína með frjálhyggjukryddi. Það hafði þær afleiðingar að eitrun hljóp í efnahags- og menningarlíf þjóðarinnar, sem lauk með því að bæði efnahagslífið og menningarlífið drápust eins og hænsnin sem komust í rottueitrið hér um árið.

En fyrst ég álpaðist til að minnast á miðstjórn Framsóknarflokksins: Hvaða persónur skipa þá stjórn með leyfi?

Kosningakjötsúpa

Athugasemdir

[Snæþór Sigurbjörn Halldórsson, 19.4.2009 kl. 20:02]

www.framsokn.is Þar sérðu hvernig kosið er í þá 180 manna stjórn.

[Ingibjörg Friðriksdóttir, 19.4.2009 kl. 21:19]

Finnst þér ekki kostulegt að fylgjast með þeim núna.  Ég beinlínis æli.

[Ingibjörg Friðriksdóttir, 19.4.2009 kl. 21:20]

Ég er ekki innvikluð í þennan flokk og það skiptir mig ekki .... hverjir skipa miðstjórnina.

[Jóhannes Ragnarsson, 19.4.2009 kl. 21:33]

Merkilegt, Snæþór Sigurbjörn, að á www.framsokn.is er hvergi að finna hvaða einstaklingar skipa miðstjórn Framsóknarflokkins. Þetta er greinilega heilmikil leynimiðstjórn. Ég get ekki varist þeirri hugsun, að þar sé að finna nöfn valdamikilla manna sem ekki þykir gott að flíka opinberlega.

[Níels A. Ársælsson., 20.4.2009 kl. 17:20]

Hahahahahaha.....

Þeir birta ekki nöfn einstaklinganna í miðstjórninni Framsóknarmennirnir frekar en önnur glæpasamtök.

[Hafsteinn Viðar Ásgeirsson, 21.4.2009 kl. 18:52]