Forystusnatar og hlandprestar

Ég er mest hissa á að forystusnatar ASÍ ætli að koma nálægt nokkrum sköpuðum hlut er lítur að verkalýðsmálum á baráttudegi verkalýðsins, 1. maí. Þó hlýtur svo að vera fyrst út er komin rulla undir nafninu: 1. maí ávarp verkalýðsfélaga í Reykjavík.

Annars var ég kominn á þá skoðun, sú skoðun er reyndar óbreytt, að umræddir forystusnatar hafi fyrir löngu andast eins og hverjir aðrir hlandprestar ofaní forarvilpu frjálshyggju og davíðsisma. Eða hvar voru þessir gemlingar í frjálshyggjugóðærinu, sællar minningar, aðdraganda hrunsins, í hruninu og eftir það? Ekki voru þeir að berjast fyrir jöfnuði og mannsæmandi launum verkafólks, svo mikið er víst. Og þegar alþýða landsins gerði uppreisn gegn stjórnvöldum í vetur héldu Gylfi Arnbjörns, Kristján í Keflavík, Skúli Thoroddsen og frú Ingibjörg Err eins langt frá vígvellinum og þau gátu. Það eins sem þetta lítilsiglda fólk hefur haft til málanna að leggja er hjáróma söngur um dýrðarríki hins hákapíalíska ESB. Það þarf augljóslega að fara með potta og sleifar inná kontóra ASÍ-slektisins og hreinsa þar ærlega út með kröftugri búsáhaldabyltingu.

Lifi byltingin !!!   

Stóra krafan er félagslegt réttlæti

Athugasemdir

[Jóhannes Ragnarsson, 30.4.2009 kl. 22:57]

Vertu velkominn í heimsókn til mín, Sveinn, ég geri ráð fyrir að ég verði til sýnis á tímabilinu 19-16 júní.

Ég hef átt í mestu brösum með nettenginguna hjá mér og enn sér ekki alveg fyrir endan á því ævintýri. Að þessu sinni fór ég með tölvuna mína í heimsókn í annað hús til að komast í gott samband.

Kveðja,

[Björgvin R. Leifsson, 1.5.2009 kl. 16:00]

Minni á að formaður verkalýðsfélagsins á Húsavík sá ástæðu til að láta hafa eftir sér í fjölmiðlum eftir kosningar að það væri þungt hljóð í Húsvíkingum nú þegar loksins hillir undir vinstri stjórn í landinu eftir 18 ára frjálshyggjustjórn. Hann er gersamlega genginn í björg vegna álmálsins.

[Ingibjörg Friðriksdóttir, 3.5.2009 kl. 21:53]

Það duga ekki pottar, sleifar og pönnur.  Mætum með helvítis gömlu þvottavélarnar með valsavindunum og stingum þessum dj. í þær og vindum þá ærlega á eftir.

Þeir voga sér að greiða sér himinhá laun og eftirláta svo frjálshyggjudjöflunum að kjöldraga verkalýðinn, arðræna lífeyrisþegana og svo fram vegis.

Nú er tími til að reka þessa menn og ráða velhugsandi og velmeinandi menn sem þykjast ekki yfir aðra hafnir.  300´þúsund er næg laun fyrir þægilega innivinnu, og yfirvinna á ekki að þekkjast. og hana nú.......