Agalausir tréhestar og sérvitringar

Mikið óskaplega er sorglegt að fylgjast með frekju og dólgslátum slökkviliðsmanna á Selfossi gagnvart sínum yfirboðara, slökkviliðsstjóranum. Það sér hver maður að ógjörningur er að halda úti slökkviliði sem samanstedur af aglausum kurfum og sérvitringum. Það verður, með illu eða góðu, að koma því inní hausinn á þessum ósvífnu tréhestum að þeir eiga ekki að hugsa þegar slökkviliðsstörf eru annarsvegar, yfirmaður þeirra hugsar fyrir þá. Slökkviliðsmaður sem byrjar að hugsa er ekki lengur slökkviliðsmaður heldur borgaralegur kláðagemlingur. Ég vænti þess að nú skerist stjörnusýslumaðurinn Stones í leikinn og sýni undirsátum slökkviliðsstjórans á Selfossi hvar Davíð keypti ölið. Ekki dugar að láta gjörvalla Árnessýslu brenna til kaldra kola útaf agalausum slökkviliðsmönnum sem kunna ekki að respekta sinn herra.

Öryggi íbúa ógnað vegna kjaradeilu?

Athugasemdir

[Óskar Arnórsson, 11.5.2009 kl. 22:38]

Flottur pistill! hehe...

[Steingrímur Helgason, 11.5.2009 kl. 23:06]

Ja, mín vegna má Árborgin brenna...

[Jóhann S Kristbergsson, 12.5.2009 kl. 21:13]

Það eru nú ekki góðir starfsmenn ef þeir eiga að ganga hugsunalaust til starfa. Það er mín reynsla sem slökkviliðsmaður að það er eins gott að hugsa þegar bruni er annars vegar og þess vegna þurfa menn að geta hugsað eins og unnið sem einn maður bæði þeir sem stjórna þeir sem sjá um vatnsöflun þeir sem reykkafa og þeir sem eru á stútum. Ekki veit ég um hvað deilur þessara manna snýst en það gengur ekki að hafa óróa í starfsstétt sem þessari. En eitt veit ég að sýslumaður ræður ekki yfir þessum málaflokki.