Jómfrú Jóhanna öskraði sig áfram

Það eru sannarlega mikil firn að Jóhönnu Guðrúnu Jónsdóttur skuli hafa tekist að öskra sig áfram í júróinu því satt best að segja hafa sjaldan eða aldrei heyrst önnur eins ósköp í tónlistarformi, að söng Garðars Hólm í Dómkirkjunni undanskildum. Hvað eftir annað rann jómfrú Jóhanna Guðrún útaf laginu, stundum beinlínis útí skurð, ef svo má segja. En hvað um það, öskur, hiksti og más Íslands komst í úrslitakeppnina. Sennilega fengu óhljóðin frá Íslandi að fljóta með í háðungarskyni.

Ísland komið áfram

Athugasemdir

[Brynja Hjaltadóttir, 12.5.2009 kl. 22:02]

Hahahaha....

[Guðborg Eyjólfsdóttir, 12.5.2009 kl. 22:18]

[Rúnar Örn Rafnsson, 12.5.2009 kl. 22:21]

Þú ert eflaust ágætis gaur og allt það, en hefur klárlega ekki mikið vit á tónlist, og gersneyddur öllum hæfileikum til að meta góða tóna og falska.  Væri nær að samgleðjast góðum árangri frábærrar söngkonu en að hrauna yfir fólk á svona ósmekklegan hátt.

 Rúnar Rafnsson

[Jóhannes Ragnarsson, 12.5.2009 kl. 22:24]

Engar móðgandi aðdróttanir hér, Rúnar Rafnsson. Öskur voru það og öskur skulu það heita.

[Hlédís, 12.5.2009 kl. 23:16]

Öskur SKULU það heita, sagð'ann

Ég nennti ekki að hlusta/horfa núna, en hef heyrt upptöku. Fannst stelpan halda sig við lagið þar. 

[Sólveig Þóra Jónsdóttir, 13.5.2009 kl. 02:10]

Þú ert bara að reyna að komast inn í "heitar umræður" hér á blogginnu með þessari fásinnu. Jóhanna söng frábærlega.

[Hafsteinn Viðar Ásgeirsson, 13.5.2009 kl. 08:04]

...Var ekki Jóhanna bara ansi hreint fín?

[Ingibjörg Friðriksdóttir, 13.5.2009 kl. 20:30]

Þú ert nú meiri öskurapinn Jóhannes.  Hún nafna því söng eins og engill.

[Baldur Fjölnisson, 14.5.2009 kl. 21:35]

Missti af þessu en fyrir um mánuði vildi svo til að ég slysaðist til að hlusta á öll júróvisjón lögin sem aldrei hefði annars orðið og það kom til vegna þess að kunningjakonu mína vantaði þessi lög og ég dánlódaði þeim því af piratebay. Og tók reyndar í leiðinni lögin úr Abba myndinni og líka The Last Waltz með The Band og þarna safnið með Foreigner sem ég man ekki nafnið á. Góðu fréttirnar eru að ég er nokkrum sinnum í mat hjá þeim hjónunum út á þetta þó ekki væri annað en þær fremur slæmu að ég þurfti að hlusta á allt júróstandið. Fyrir mánaðamót hafði ég meira að segja skoðun á því hver myndi loks vinna en man það reyndar varla lengur núna enda erfitt að halda áhuga á þessu stundinni lengur en þó minnir mig að Þýskaland eða Holland vinni júróvisjón í ár. Íslenska lagið er svo sem í lagi og ágætlega hannað fyrir þessa tónlistarklónakeppni. Þetta virkar einhvern veginn alltaf eins og tilbrigði um eitthvað gamalt og útjaskað stef. Stelpan er sennilega laglaus en það er allt í lagi í þessu kompaníi. Hún gaular sig þokkalega fram úr þessarri endurnýttu tónsmíð.