Þökk sé blessuðu FramsóknarÍhaldinu

Mikið held ég fólk sé þakklátt sjónhverfingafjárglæframönnum hinna illræmdu auðvaldssamtaka Sjálfstæðisflokks og Framsóknar. Árum saman drógu þessi samtök almenning áfram á asnaeyrunum með innistæðulausu og glæpsamlegu peningahyggjubrölti. Þessi rakalausu umsvif kallaði auðvaldslýðurinn, af sinni ísmeygilegu smekkvísi, góðæri. Hækkun á matvöru um 25% síðustu 12 mánuði er einn af mörgum sköttum sem gusast hafa yfir launafólk úr hlandkoppum auðvaldsins uppá síðkastið. Og að hátt í 40% landsmanna skuli hafa greitt glæpasamtökum Íhalds og Framsóknar atkvæði sitt í síðustu kosningum er ljótur vitnisburður um afburða fávísi og heimsku íslensku þjóðarinnar.

Matarverð hefur hækkað um 25%

Athugasemdir

[Páll Blöndal, 18.5.2009 kl. 17:15]

já og þessi hópur er í bullandi fráhvarfi.
Saknar Gulla og Finns og allra þeirra sem vilja stela af þeim.

[Stefán Lárus Pálsson, 18.5.2009 kl. 18:10]

Skelfing er að heyra fullorðna menn setja fram svona ritsmíðar, sér til hugarhægðar, þegar athyglisþörfin er orðin þeim óbærileg! Þessi blessuð þjóð okkar tók öll þátt í dansinum kringum gullkálfinn, eyddi og spreðaði langt um efni fram. Það varð takmark of margra að fá að skulda sem mest, langt um fram fyrirsjánlega greiðslugetu, og því erum við nú að súpa seyðið af að hafa farið eftir ráðleggingum, "sérfræðinga" bankanna, sem ekki föttuðu að bólan var að springa. Svo hrundi allt í hausinn á okkur: Gengið á krónunni fór í eðligegar stærðir, (hríðféll), Vextir í hæstu hæðir. Hækkun á matvöru er eðlileg, og óhjákvæmileg, þegar gjaldeyrir hækkar um c.a. 90%, og öll aðföng og flutningskostnaður í takt við það. Krónan okkar er lítis virði. Fyrir  þrem vikum mátti kaupa eina Evru fyrir 367 ískr. í banka í Köben! Norskur banki vildi ekki, eða gat ekki afgreitt fé af innstæðu í Islenskum banka. Hver þáttur einstakra manna í að vera stórtækastur í að raka eldi að eigin köku, er svo annar kapítuli. En fjármalakerfi heinsins hrundi, og okkar líka, af því súpum við seyðið, hvar í flokki sem við stöndum!! Stóryrði og órökstuddar fullyrðingar breyta engu þar um!!!

[Jóhannes Ragnarsson, 18.5.2009 kl. 18:58]

Ég vil byrja á benda þér á, Stefán Lárus, að það er rangt að öll þjóðin hafi tekið þátt í dansinum kringum gullkálfinn. Að bera slíkt á borð stafar annaðhvort af fávísi eða vísvitandi lygar eru um hönd hafðar.

Efnahagshrunið á Íslandi var fyrst og fremst vegna þeirrar stjórnmálastefnu sem rekin var hér um langt árabil. Þegar viðvörunarljós fóru að kvikna fyrir um það bil þremur árum, eða jafnvel fyrr, létu stjórnvöld eins og ekkert væri. Framferði stjórnvalda á þessu tímabili, einkum Sjálfstæðisflokks og Framsóknar, er að mínu mati fullkomlega glæpsamlegt. Þetta lið dró þjóðina aftur á bak og áfram á asnaeyrunum með lygum og ómerkilegheitum af síðustu sort. Ekkert mátti skyggja á glansmynd frjálshyggjukapítalismans.

Það er með engu móti hægt að kenna ,,heimskreppunni" einni um hvernig fór á Íslandi, slík einföldun þjónar aðeins markmiðum lyginnar.