Þar er iðrun ekki til

Ójá, þær eru heldur óskemmtilegar og nöturlegar afleiðingarnar af dólgslegum frjálhyggjukapítalisma FramsóknarÍhaldsins og ekki nema von að framsóknarkálfurinn Birkir Jón sé hneykslaður. Hinsvegar má ljóst vera að iðrun er ekki til í FramsóknarÍhaldssamtökunum, á þeim bæjum kunna menn ekki að skammast sín og því síður að biðja grátt leikna þjóð sína fyrirgefningar á frjálshyggjusukkinu, græðginni, spillingunni og glæpunum. Og það er rétt að halda því til haga, að á stjórnartíma FramsóknarÍhaldsins var stunduð ógnarstjórn þar sem skoðanakúgun var daglegt brauð, fólk þorði ekki að tjá sig hreinskilnislega, hvorki opinberlega né á förnum vegi.

Annars ættu plastpeð Framsóknarflokksins að láta almenn stjónmál eiga sig í bili, eða til frambúðar, og snúa sér því að bjarga máttarstólpum sínum, sem nú eiga undir högg að sækja, þeim Ólafi bónda á Miðhrauni, Finni Ingólfssyni og Sigurði Einarssyni. Án þeirra máttarstólpa fær blessuð Framsóknarmaddaman ekki lifað.

28.500 fjölskyldur í þrot

Athugasemdir

[Héðinn Björnsson, 27.5.2009 kl. 16:14]

Hvað ætli við förum að flýja, það er barasta helvítið auðvaldið sem getur flúið. Við höfnum skuldum þeirra og höfnum því að hér megi ekki byggja gott samfélag.