Fullhugi sem trúir á últrakraftaverk

Það hefur aldrei þótt góð latína að leita ullar í geitarhúsi. Enn meiri fásinna er þó að brjótast inn í íslenskan banka og búast við því að finna þar peninga. Þó lítur út fyrir að enn séu uppi fullhugar sem ekki víla fyrir sér að reyna að gera það sem ekki er hægt gera. Að galdra fram peninga í íslenskum banka þessa dagana væri ekki minna kraftaverk en þegar Drottinn Alsherjar skapaði jörðina og allt sem henni fylgir. Það er nefnilega búið að stela öllum peningunum sem áttu að vera í bönkunum og þar ríkir nú auðn og tóm, rétt eins og var á jörðinni áður en Drottinn tók sig til og gerði þau höfuðmistök að skapa Adam og Evu.

Braust inn í banka

Athugasemdir

[Hörður Halldórsson, 25.5.2009 kl. 23:10]

Gamaldags bankarán virka ekki lengur,við Íslendingar  vitum  öll hvernig á í raun að ræna banka,sjóliðinn ætti að taka kúrs hér á landi.

[Landið (IP-tala skráð) 25.5.2009 kl. 23:27]

Væri þá ekki málið að láta útrásarvíkingana og bankamennina fara til annara landa og ræna nokkra banka þar eins og þeir gerðu hér, betra en að láta þá dúsa á hrauninu á kostnað skattgreiðenda. Hagnaðurinn færi svo í að bæta fyrir tjónið hér á landi. Nú ef þeir nást úti þá þurfum við alla vega ekki að greiða fyrir fangelsisvistina. Allra verstu útrásarvíkingarnir verða sendir til Kína og vonandi þeirra vegna nást þeir ekki.

[Ingibjörg Friðriksdóttir, 26.5.2009 kl. 00:14]

Þessi vesalingur veit ekki að maður verður helst að eiga bankana sjálfur til að geta rænt þá. 

Væri ekki ráð að stofna velferðarsjóð fyrir eignalausa ræningja? ´Ha?