Segðu alls ekki af þér Gunnar minn

Hér með skora ég á Gunnar I. Birgisson borgarstjóra Kópavogsbæjar að láta allt ýlfur öfundsjúkra smámenna og kvenna sem vind um eyru þjóta og halda áfram að vera farsæll borgarstjóri sem fyrr og íbúum Kópavogs sönn fyrirmynd. Sem betur fer veit Gunnar I. hvernig hann á að afgreiða Grasa-Guddu Samfylkingarinnar og heilla- og hálaunakallinn Óla hinn Góða, að ekki sé minnst á framsóknargufuna í bæjarstjórn Kópavogs. Hvolpum, sem læðast aftan að húsbónda sínum og reyna að bíta hann, er yfirleitt refsað með því að gefa þeim snöggan selbita beint framan á trýnið. Láti hvolparnir ekki segjast við slíka hegningu verður borgarstjórinn í Kópavogi að grípa til þeirra meðala sem duga og hann svo sannarlega á í pokahorninu.    

Gunnar segir lög ekki brotin

Athugasemdir

[Ingibjörg Friðriksdóttir, 9.6.2009 kl. 21:54]

Gunnar Birgisson er lagður í einelti af sinni eigin þjóð. SKAMM SKAMM!

Ef ekki væri fyrir Gunnar væri engin Smáralind, engin SALUR  og engvar franfarir í Kópavogsbæ.

Lengi lifi Gunnar Birgisson sem er að ógleymdu bróðir hins virta og víðförla stjórnmálamanns Kristins Gunnars.

[Jóhannes Ragnarsson, 9.6.2009 kl. 22:14]

Við þetta má bæta, Ingibjörg, að ef ekki væri fyrir Gunnar I. væri enginn Kópavogur, hvað þá Goldfinger.

[Ingibjörg Friðriksdóttir, 9.6.2009 kl. 22:30]

Segðettekki. Ég má bara alls ekki til þess hugsa.

[Jóhannes Ragnarsson, 9.6.2009 kl. 23:11]

Nei, ekki Krossinn heldur.

[Dexter Morgan, 9.6.2009 kl. 23:32]

Feiti gölturinn fer hvergi. Þetta er maður án samvisku, eins og flestir þeir sem enn tilheyra "gamla" íslandi. Honum finnst þetta ekkert mál og á eftir að halda áfram sem "bæjarsóði" ykkar Kópavogsbúa. Til hamingju með það.