Í sjálfheldu óheiðarlegra valdastjórnmála

Steingrímur J. Sigfússon er ekki öfundsverður af því að hafa hnútasvipur samfylkingargoðanna Jóhönnu, Össurar og Árna Páls hvínandi yfir höfði sér alla daga útaf þrjósku þingmanna VG varðandi ESB og Icesave. Ég er á því að Steingrímur hafi ekki ígrundað mál þess flokks sem hann er formaður fyrir áður en hann kastaði sér ofan í ormagryfju Samfylkingarinnar. Því réði blind fíkn hans í ráðherra stól undir blessaða rassboruna á sér. Niðurstaðan er sú að karlhólkurinn er kominn í sjálfheldu utaní miðju tíræðu bjargi valdastjórnmálanna með hnútana á svipum samfylkingarforystunnar smellandi við nefið á sér. Það má auðveldlega færa rök fyrir því að það hafi verið mistök hjá VG að stökkva umyrðalaust í minnihlutastórn með Samfylkingunni í vetur sem leið. Það hefði áreiðanlega verið hollt fyrir vindhænsnin í Samfylkingunni að fá að engjast sundur og saman í ríkisstjórn með Sjálfstæðisflokknum dálítið lengur og velta sér í þeim ágæta drullupolli óheiðarleika, lyga og svika sem þessi samtök höfðu komið sér ofaní.

Varðandi Icesave-málið, virðist enganveginn komið á hreint hvort Ísland hefur efni á því að kaupa sér stundarfrið með svavarssamningnum góða. Menn verða að muna, að á eftir svikalogni brestur gjarnan á fárviðri, mannskaðaveður eignatjóns og sársauka. Það er t.d. ekki einleikið, að helstu rök fjármálaráðherrans fyrir nauðsyn á samþykki Alþingis við Icesave-samningnum eru lítt duldar, en samt full þokukenndar, hótanir um einhverjar óskilgreindar ófarir. Á virkilega að pína heiðarlega þingmenn til að ganga gegn sannfæringu sinni og fullvissu? Hver djöfullinn sjálfur er eiginleg þarna á bak við?

Tjáir sig ekki um ummæli Lilju

Athugasemdir

[Jakob Þór Haraldsson, 21.7.2009 kl. 17:12]

Vel orðað hjá þér að líkja XS við "ormagryfju" ég líki þeim yfirleitt við "lýðskrum....!"  Hjartanlega sammála þér þegar þú segir m..a.: "Það er t.d. ekki einleikið, að helstu rök fjármálaráðherrans fyrir nauðsyn á samþykki Alþingis við Icesave-samningnum eru lítt duldar, en samt full þokukenndar, hótanir um einhverjar óskilgreindar ófarir. Á virkilega að pína heiðarlega þingmenn til að ganga gegn sannfæringu sinni og fullvissu?"  Sem betur fer eru þessar "barbabrellur & hræslu áróður SteinRÍKS" ekki að virka - þingmenn VG eru að sjá sannleikann (ljósið sem vísar veginn) og þeir láta ekki leika á sig endarlaust - þannig ná þeir að bjarga bæði fylgi VG & þjóðinni frá hruni!

kv. Heilbrigð skynsemi

[Sigurður Þórðarson, 21.7.2009 kl. 18:23]

Sammála, mér er með öllu óskiljanlegt hvað Steingrími gengur til.  Það er eins og hann sé á kaupi við að kljúfa VG.

[Jóhannes Ragnarsson, 21.7.2009 kl. 19:43]

Ég hef ekki trú á að Steingrími sé í mun að kljúfa VG. Hinsvegar virðist hann geta hugsað sér að ganga mjög langt til þess að fá að vera ráðherra í ríkisstjórn. Það er meinsemd sem félagar í VG hafa fundið sterkt fyrir í mörg ár.

[Anna Sigríður Guðmundsdóttir, 21.7.2009 kl. 20:17]

Mér sýnist Steingrímur vera að kikna undan álagi og þrýstingi, enda er maðurinn búinn að vinna óeðlilega mikið undanfarið og er víst bara mennskur eins og við hin.

Ég ásaka hann ekki en ég leyfi mér að ásaka samfylkinguna fyrir sínar aðferðir í þessari ríkisstjórn. það vantar mikið uppá skjaldborgina þeirra. Grunnurinn er ekki einu sinni kominn!

[Sigurður Þórðarson, 21.7.2009 kl. 22:52]

Satt segir þú Jóhannes, ég tók bara svona til orða.

Ég var á fundi með Ásmundi unga þingmanninum ykkar um daginn og ég hreifst af málflutningi hans.

[Sigurður Þórðarson, 21.7.2009 kl. 22:57]

p.s.

 Eftir að ég setti inn kommentið hjá þér sá ég grein  Ögmundar, sem vex í áliti hjá mér eftir því sem ég sé og heyri meira til hans. 

[Jóhannes Ragnarsson, 21.7.2009 kl. 23:10]

http://www.ogmundur.is/annad/nr/4663/