Ekki íslandsmann fremur en Pétur þríhross

Á meðan utanríkisráðherra Íslands trallar glaðbeittur um sali Evrópubandalagsins og flaðrar uppum alla auðvaldsgelti sem á vegi hans verða á þar innandyra bíður íslenska þjóðin í örvæntingu og vonar að hinn tindilfætti utanríkisráðherra gleymi algjörlega stund og stað og skili sér ekki aftur heim; dagi uppi sem símalandi heimilisköttur í Brussel eða í kjallaranum hjá Carli Bildt eða einhverju öðru ámóta númeri evrópuauðvaldsins. Og af því að Össur utanríkisráðherra Íslands er ekki íslandsmann fremur en Pétur þríhross þegar hann var mikið ölvaður þá eru góðar líkur á að hann deyji inní EBS líkt og þegar hann dó inní Alþýðuflokkinn sáluga, sællar minningar, og sjáist aldrei meir á frónskri grund en þeim mun oftar í endalausri ESB-sæluvímu á Brusselvöllum eða í öðrum þeim stöðum sem þessi kúsntugi sprelligosi sækir sér andlegt fóðu við hæfi. 

Leiðin styttri fyrir Ísland

Athugasemdir

[Jóhannes Ragnarsson, 27.7.2009 kl. 23:23]

Það má segja að á myndinni sé Össur í essinu sínu, meira að segja með pólitískar hugsjónir sínar á plastflösku í fanginu.