Össur á að segja af sér

Ráðherra sem vinnur að því öllum árum að svíkja þjóð sína undir erlent vald getur ekki verið sjálfrátt. Slíku óbermi ber að segja tafarlaust af sér. Geti hann það ekki hjálparlaust á að hjálpa kvikindinu til þess.

Árum saman bjuggum við við ríkisstjórn sem fórnaði þjóðinni á altari gráðugrar peningahyggju. Það fór eins og það fór. Nú búum við við ríkisstjórn sem virðist full alvara í að svíkja þjóð sína í tryggðum og varpa henni í kjaftinn á evrópuauðvaldinu.  

Er máske komið að því að VG verði að taka á sig rögg og segja Samfylkingunni að fara til helvítis?

Eða fer brátt að hylla undir að fólkið, þjóðin sjálf, standi upp og geri sósíalíska byltingu? Sem er tvímælalaust besti kosturinn í stöðunni.   

Össur: „Diplómatískur sigur“

Athugasemdir

[Hrönn Ríkharðsdóttir, 27.7.2009 kl. 17:43]

Óskaplega finn ég til með þér Jóhannes að hata einhvern eða einhverja svona mikið! Það hlýtur einhver að geta hjálpað þér!

[Ragnar Örn Eiríksson (IP-tala skráð) 27.7.2009 kl. 17:48]

æji, góði besti reyndu að fullorðnast!!!

[Gísli Baldvinsson (IP-tala skráð) 27.7.2009 kl. 17:49]

Bíddu, er hann ekki að framkvæma samþykkt Alþingis? Berast fréttir ekki þarna vestur?

[Ragnar Örn Eiríksson (IP-tala skráð) 27.7.2009 kl. 17:53]

Gísli,Þetta er bara týpískt hokurvæl og það er svona fólk sem vill dvelja í eymdinni og þorir ekki að gera neitt til að bæta líf sitt, situr bara og grenjar og vælir yfir öllu.

[Jóhannes Ragnarsson, 27.7.2009 kl. 17:56]

Þó að þið landsölukratarnir teljið ykkur hafið yfirhöndina í augnablikinu þá er stríðinu fráleitt lokið. Ykkur verður refsað vel og vandlega, það er engin hætta á öðru.

[Byltingarforinginn, 27.7.2009 kl. 17:58]

Í þetta sinn verð ég þó að vera sammála þér. Rakkinn sá á að segja af sér. En ekki búast við að það verði Vg sem sjái til þess. Þeir eru eins og leir í höndum Samfylkingar, sem heldur í strengina og lætur Steingrím og hans undirsáta dansa eins og trúða. Steingrímur dró Svavar Gestsson á flot úr kokteilmarineringu sendiherralífsins og við sjáum hvar það endaði.

Vg er eins og útibú frá Samfó og ég vona að þaðan heyrist aldrei orð um að Framsókn sé hækja Sjálfstæðisflokksins. Til þess eru Vg of miklar lyddur sjálfir.

[Gunnlaugur I., 27.7.2009 kl. 18:18]

Þegar við vinnum síðustu orrustuna um sjálfstæði landsins og kolfellum aðildarsamning við ESB þá skulum við taka okkur til og skera loðna ESB skottið af Össuri Skarphéðinssyni og stoppa það upp og hafa það svo til sýnis á Þjóðmynjasafni Íslands, öðrum landráða-rökkum til viðvörunar !

[Marteinn Unnar Heiðarsson, 27.7.2009 kl. 18:55]

Mikið er ég sammála :) ég held það verði ekki hátt risið á þessum nasistasleikjum þegar þjóðin verður búin að bera þessa föðurlandssvikara útúr alþingishúsinu í haust,því að fólk er búið að fá nóg af þessari ESB elítu og kannski væri rétt að bera nokkra af þessari fjölmiðlaelítu líka út í leiðinni.

Áfram Ísland ekki ESB

[ThoR-E, 27.7.2009 kl. 19:05]

Þetta er vægast sagt undarleg tímasetning í að sækja um aðild að ESB. Hverskonar samningsstaða er þetta sem við erum í núna? góð ?? viðunnandi? þvílíkt og annað eins......

efnhagskerfi landsins í rúst, ósamið um hundruða milljarða skuld til bretlands og Hollands.. glæpamennirnir sem lögðu hér allt í rúst ganga lausir og sinna sínum viðskiptum eins og ekkert hafi í skorist þrátt fyrir daglegar fréttir af glæpum þeirra.

heimilin í landinu í gífurlegum vandræðum enda hækka skuldirnar í hvert skipti sem borgað er inná þær ... skjaldborgin um heimilin er engin... frekar þá um heimili útrásarvíkingana og heimili spilltra stjórnmálamanna ef eitthvað er ...

undir venjulegum kringumstæðum væru þessi alvarlegu vandamál nr. 1, 2 og 3 hjá sitjandi ríkisstjórn .... allt kapp væri lagt í að leysa þessi alvarlegu vandamál...

en nei nei... nú er enginn tími fyrir neitt annað en E.S.B og allur tími ríkisstjórnarinnar fór í að "sannfæra" (kúga?) samflokksmenn sína í að kjósa "JÁ" við ESB aðild ... og núna fer tíminn í samningaviðræðurnar ........

þetta var kosið yfir okkur ... guð hjálpi okkur öllum.

Hvort ESB verði betri kostur fyrir okkur í framtíðinni ... það veit ég ekki .. en nú er ekki tíminn til að hugsa einusinni um aðild að EB.

Það er óhæft fólk í brúnni og skipið að sökkva... hvað gera menn þá ??? mótmæla? blogga? nöldra við eldhúsborðið ???

eða kannski bara flytja úr landi..... svei mér þá.

[Sigurður Sigurðsson, 27.7.2009 kl. 19:06]

Jóhannaes aðalritari hefur lög að mæla eins og svo oft áður.

Rekum nú Össur ræfilinn

á rassgatinu úr landi.

Þrykkjum síðan þangað inn

Þórunni í bandi.

[Þórdís Bára Hannesdóttir, 27.7.2009 kl. 19:26]

Viltu stofna þjóðernislegan Frelsisflokk sem leggur sérstaka áherslu á þjóðleg gildi?

[Jóhannes Ragnarsson, 27.7.2009 kl. 20:08]

Ég er svo sem ekki í neinum flokksstofnunarhugleiðingum Þórdís Bára. Ég get þó ekki leynt áhuga mínum á að aflúsa VG og gera hann að traustum sósíalistaflokki.

[Þórdís Bára Hannesdóttir, 27.7.2009 kl. 20:30]

Skil þig vel og ég vil endilega losna við einræðisherrana í VG, sem endalaust hlaupa út og suður í ríkisstjórninni og halda henni í gíslingu.  Þetta fer að vera þreytandi. Við eigum öll okkar óskir.

[Ingibjörg Friðriksdóttir, 27.7.2009 kl. 21:04]

Á ég að segja þé Jóhannes? Já ég ætla að láta það flakka. Ég treysti flestum betur en „okkar“ fólki til að gæta auðlinda okkar.

Ég vona að við komumst inn í ESB,  Við munum að sjálfssögðu ekki láta auðlindir okkar.  Hvar er Samherji að veiða annars?  Annað, ég mun ekkert sjá eftir íslenskum svína eða hænsnabændum, þeir geta bara farið að vinna eitthvað annað.  VIð munum styrkja alíslenskan landbúnað, lækka raforkuverð til grænmetisbænda og leggja niður bændasamtökin, sem er dýrasti milliliður Íslandssögunnar.

Róaðu þig Jóhannes, kíktu í kaffi og ég skal gefa þér þessa speki inn með skeið eða gaffli.  Hlakka til að sjá þig.

þín bloggvinkona

Imba la´Douche.

P.s.  Við getum líka farið aftur heim til Noregs og beðið Halla að taka við okkur.  Halla eða Jens? skiptir ekki máli.

[Pax pacis, 27.7.2009 kl. 22:24]

Úff, manni líður hálf-illa eftir að hafa lesið sumar af þessum færslum, orð eins og "landsölukratar", "refsa þeim", "nasistasleikjur", "föðurlandssvikarar"; *gubb*; hvílík heift.

Án þess að tala með eða á móti ESB, enda hef ég ekki gert upp hug minn í þessu máli, þá er ESB ekkert annað en marghliða samningur fullvalda ríkja og fullveldi okkar verður ekki skert fremur en sjálfstæði fólks sem kýs að vera í stéttarfélagi eða öðrum félagasamtökum.  Allt tal um landráð er markleysa og svona upphrópanir hljóma öðru fremur eins og Klan félagar að stappa stálinu hver í annan.

 Prik til handa AceR og Ingibjörgu fyrir rólega og fordómalausa umræðu í þessum þræði þrátt fyrir að vera á öndverðum meiði.

[Jóhannes Ragnarsson, 27.7.2009 kl. 22:33]

Það væri við hæfi að Pax pacis segi okkur fáfróðum hvernig fullveldi Íslands skerðist ekki við aðild að ESB.

Manni verður nú hálf-bumbult við að lesa svona erkibull.

[Byltingarforinginn, 27.7.2009 kl. 22:50]

Ingibjörg: Engin eftirsjá að kjúklinga- og svínabændum? Styrkja hina bændirna og veita þeim alls konar fríðindi. Þú talar greinilega af fávísi. Fyrir það fyrsta þá heldur verksmiðjulandbúnaður niðri fóðurverði vegna magninnkaupa. Það kemur öðrum greinum svo sannarlega til góða og það rýrir samkeppnisstöðu annars landbúnaðar til muna ef þetta leggst af. Í öðru lagi, þá MEGUM við ekkert styrkja hægri og vinstri eftir að við erum komin í ESB... því verður miðstýrt. Landbúnaður verður í stórhættu og hvað verður þá um ferðaþjónustu bænda?

Vg hafa raupað svo mikið um að við þurfum ekki álver eða stóriðju... það sé hægt að virka sprotastarfsemi og ferðaiðnað bænda og hver veit hvað... það sýnir sig að eins og venjulega er Vg ekkert nema loftið, því ekkert gerist. Nema jú skattahækkanirnar frá Steingrími, sem var það eina sem honum datt í hug þegar landsmenn sögðust ekki hafa efni á að ferðast til útlanda. Verri gunga og drusla finnst ekki í íslenskri pólitík og aðrir flokksmenn virðast vera sömu aumingjarnir sem leggjast flatir fyrir Samfylkingu.

[Sigurður Sigurðsson, 27.7.2009 kl. 23:00]

Nú evrógraðir grænir senn
gráta meðal svanna
Því typpin fengu timburmenn
af totti kjósendanna

[Pax pacis, 27.7.2009 kl. 23:45]

Jóhannes, aðild að ESB er aðild að klúbbi þar sem við samþykkjum að fara eftir samþykktum klúbbsins ef við viljum vera með í klúbbnum.  Ef við förum ekki eftir samþykktunum verður okkur hent úr klúbbnum.

Nú veit ég ekki hvernig þú skilgreinir fullveldi (enda engin einhlít skilgreining til á því) en merkingin sem ég legg í það er sú að við höfum fullt forræði og sjálfsákvörðunarréttur yfir sjálfum okkur sem þjóð á svipaðan hátt og við höfum fullt forræði yfir okkur sem einstaklingar þegar við verðum 18 ára en þó frábrugðið að því leyti að við göngumst ekki sjálfkrafa undir (yfirþjóðlegt) ríkisvald eins og við gerum sem einstaklingar heldur gerum við samninga við önnur ríki um hvaða alþjóðleg lög og reglur skulu gilda milli ríkja. 

Aðalatriðið í þessu er sjálfsákvörðunarréttur, þ.e. rétturinn til að geta gengið í ESB og að geta gengið úr ESB.  Það er að mínu mati nægjanlegt til að viðhalda fullveldi.

Eins og ég nefndi í fyrri færslu er þetta ekkert ósvipað því að ganga í hagsmunafélag.  Þú gengur sjálfviljugur í félagið og framselur þá félaginu að fara með málefni þín sem lúta að félaginu og gengst undir samþykktir þess.  Sértu ekki sáttur við meðhöndlun þína hjá félaginu getur þú gengið úr því, ef þú telur að hagsmunum þínum sé betur borgið þannig.  Ég get ekki séð að þetta skerði á nokkurn hátt sjálfstæði þitt sem einstaklingur þar sem þú ert aðeins bundinn af samþykktum félagsins á meðan þú ert meðlimur.

Það þvingar okkur enginn inn í ESB en við getum að sjálfsögðu ekki ætlast til að fá að vera með í klúbbnum ef við virðum ekki reglurnar.

Hitt er svo annað mál hvort sá samningur sem við fáum verði boðlegur og það gæti vel farið svo að þjóðin felli hann en ég vona að það verði þá vegna þess að hann þjóni ekki hagsmunum okkar en ekki vegna þess að fólk haldi að við verðum ósjálfstæð sem þjóð eins og við vorum undir Dönum.  Tilvísanir í sjálfstæðisbaráttu Íslendinga finnst mér móðgun við hana því þá vorum við "hernumin" þjóð sem braust til frelsis.  Nú erum við frjáls þjóð sem (e.t.v.) telur hagsmunum sínum best borgið í slagtogi við aðrar þjóðir þar sem við þurfum að framselja hluta valds okkar (ekki frelsis okkar) til bandalagsins en getum tekið það vald til baka ef okkur sýnist svo.

Þar sem ég hef nú fært fyrir því rök hvers vegna ég tel að fullveldi Íslands skerðist ekki við inngöngu í ESB, getur þú þá fært fyrir því greinargóð rök hvers vegna þú telur að fullveldið skerðist við inngöngu (eða segðu mér hvað þú telur vera fullveldi ef þú ert ósammála mér um hvað felst í því hugtaki).

NB. Örstutt spurning að lokum: Telurðu að aðild okkar að Sameinuðu Þjóðunum og samþykkt okkar á mannréttindasáttmálum þeirra skerði fullveldi okkar þar sem við höfum ekki lengur vald til að haga okkur á hvaða hátt sem er gagnvart bæði eigin þegnum sem erlendum, án refsingar?  Nú er ég bara að velta því fyrir mér hve þröngt þú túlkar fullveldishugtakið.

[Arnór Valdimarsson, 28.7.2009 kl. 02:09]

Auðvitað á hann að segja af sér með restinni af Samspillingu og VG. Ef að forgangsröðunin er svona brengluð að Evrópubullið er mikilvægara en heimilin í landinu, og maður tali nú ekki um að klófesta bankaræningjana og pólitíkusana sem aðstoðuðu þá. (Úps var hann nokkuð í því) Og að kyrrsetja eigur, eins og T.D. Landsbankaþjófanna!

Nei Spillinguna burt. Fjórflokkinn burt, í helvíti.

Því  Þangað hefur hann komið þjóðinni!.

[Ásthildur Cesil Þórðardóttir, 28.7.2009 kl. 08:29]

Ég er algjörlega sammála því að menn sem stunda landráð eigi ekki að vera í ríkisstjórn.   Það er því vel við hæfi að koma þessum Evrópusinnum í ríkisstjórninni burt, helst alveg alla leið til Brussel.  Ef þá langar svona mikið að vera dús við spillingaröflin sem grassera þar.  Fólkið í þessum löndum almenningur varar íslendinga mikið við að fara þá leið.  Ég hef rætt við fólk bæði í Þýskalandi, Danmörku og Austurríki, og þeir segja allir það sama.  Ekki fara inn í þetta samband, Evrópa riðar til falls rétt eins og Ísland gerði og þið lengið bara í öðru krassi.  Mér finnst einhvernveginn trúverðugra það sem fólkið sjálft segir en ráðamenn.  Enda segja menn að stjórnir landanna séu skíthræddir við ástandið sérstaklega ef Ísland ákveður að hafna bæði láni alþjóða galdeyrissjóðsins Evrópusambandinu.   Þá eru þeir hræddir við almenning í sínum löndum, því þar grasserar mikil óánægja með ástandið eins og það er.  Það má bara ekki tala um það.  ´

Því verð ég að segja að þeir sem tala fyrir að troða okkur inn í þetta samband séu með minnimáttarkennd og haldi að allir aðrir komi og bjargi okkur.  Skilaboðin til mín voru þau að það ætlar ekkert ríki að "bjarga" okkur.  ESB og aðildarlöndin eru engar góðgerðarsamkomur, og ástandið er slæmt allstaðar.  Fyrirtæki að fara á hausinn, fólk að taka peningana sína út úr bönkunum vegna þess að það er hætt að treysta þeim og svo framvegis.  Hrunið er komið á fullt í ESB það er alveg á hreinu. 

[Haraldur Hansson, 28.7.2009 kl. 13:10]

Össur verður að víkja.

Maðurinn sem fór til Möltu sem túristi og breyttist þar í ráðherra og talaði við mann og annan án umboðs frá þingi eða þjóð. Meira að segja ríkisstjórnin kom af fjöllum.

Maðurinn sem faldi skýrslu Háskóla Íslands um landbúanaðramál en "lét undan þrýstingi" daginn sem átti að greiða atkvæði.

Sá sem ætlar að stýra jafn viðkvæmu verkefni og að leiða Ísland inn í ESB verður að hafa óskorað traust þjóðarinnar. Össur hefur það ekki.

[Ingibjörg Friðriksdóttir, 28.7.2009 kl. 18:46]

Byltingarforingi!  Hvar liggur þín þekking?  Ég hef verið bóndi og veit um alla styrkina sem bændasamtökin standa fyrir bændum til handa.  Síðan taka þeir einhver ósköp til sín.  Ég vil ekki efla landbúnað með styrkjum.  Sögnin að styrkja er nokkuð víðtæk.  Það má styrkja á marga vegu án þess að spreða fé, hægri vinstri.  Ég hef verið bóndi og var oft hneyksluð á allri styrkveitingunni, án þess að beðið væri um hana. 

Samkeppnis staða bænda mætti vera meiri.  Við eigum ekki að vera styrkja bændur sem geyma vélarnar sínar þar sem þær voru notaðar síðast.(Úti á túni)

Við eigum ekki að leggja niður landbúnað í heimi þar sem skortur er á matvælum, en ég sé enga ástæðu til þess að við séum að keppa um svína og hænsnarækt.  Við þurfum að flytja inn allt fóður og það er ótrúlega ósanngjarnt að við séum að greiða fimm sinnum meira fyrir það kjöt en nauðsyn ber til.

Það getur enginn keppt við okkur í framleiðslu á lambakjöti, heldur ekki mjólkurvörum.  Þannig að duglegir bændur geta vel við unað.  Skussarnir fá sér eitthvað annað að gera.

Síðan megum við ekki gleyma grænmetisbændum.  Hvergi fæ ég betra grænmeti en á Íslandi og ef samkeppnisstaða þeirra væri bætt, raforkuverð og aðstöðugjöld væru lækkuð til samræmis við það sem erlendir auðjöfrar fá það á, þá yrði bara nokkuð kátt í höllinni.

Vertu svo ekki að leggja mér orð í munn.

[Pax pacis, 30.7.2009 kl. 01:53]

Ég ætla að leyfa mér að svara Ágústi, þótt seint sé.

 Nú hef ég ekki séð myndina "Män som hatar kvinnor" en þar sem þú segir að konan sé með einhvers konar forráðamann eftir vist á geðsjúkrahúsi, þá geri ég ráð fyrir að hún hafi verið svipt forræðinu og ekki fengið neinu um það ráðið en sú líking á við þegar við vorum undir Dönum þar sem þeirra forræði var þvingað upp á okkur en hún á ekki við ekki ef við göngum í ESB því innganga í ESB verður ákveðin af íslensku þjóðinni en ekki valdhöfum í Brussel.

Þú segir að við séum í raun ekki fullvalda í EES samstarfinu þar sem við þurfum að taka upp 75% af reglum ESB.  Þetta er alls ekki rétt.   Við kjósum að taka upp 75% af reglum ESB vegna þess að annars fengjum við ekki aðild að samstarfinu.  Á þessu er grundvallarmunur.  Hið sama á við um aðild að ESB.  Ef við tökum ekki um regluverk ESB þá fáum við ekki að vera með.  En það þvingar okkur hins vegar enginn að fara inn eða vera inni og það er einmitt þetta valfrelsi  sem gerir okkur að fullvalda ríki.