Auðvaldspervertana á höggstokkinn

Það er gott að eiga góða að í banalegunni. Það sannast á auðvaldspervertunum alræmdu sem enn eiga hauka í horni þar sem sýslumenn og dómaratríó allrahanda eru. Ekki var heldur við öðru að búast en sýslumannsnefnan í Reykjavík skrifaði uppá að leyndarhjúpurinn utan um framferði auðvaldspervertanna í bönkunum væri margfalt mikilvægari en hagsmunir almennings, sem stendur ráðþrota frammi fyrir þeim ósköpum að vera dæmdur í ánauð svo að hægt verði að standa straum af kostnaðinum af glæpamennsku og óþverraskap siðvilltra aumingja.

Eftir allt sem á undan er gengið er ljóst að nú duga engin undanbrögð lengur. Núverandi ríkisstjórn, jafnvel þó hún sé öll af vilja gerð, virðist ekki hafa nein þau vopn í höndum innan kerfisins sem bíta á skjótan og skilvirkan hátt á þá rosalegu spillingu og glæpamennsku sem fengið hefur að vaða uppi í þjóðfélaginu í skjóli pólitískra samtaka eins og Sjálfstæðisflokksins og Framsóknarflokksins. Standi vilji ríkisstjórnarinnar til kveða niður umrædda spillingu og glæpamennsku verður hún að snúa sér til fólksins á götunni, alþýðunnar og beiðast liðsinnis. Geri hún það ekki eru dagar hennar brátt taldir.

Dagskrá morgundagsins hljóðar uppá byltingu - alvöru byltingu, ekki neitt sakleysislegt pottaglamur fyrir framan Alþingishúsið. Í þeirri byltingu verður markmiðið aðeins eitt: Að ganga milli bols og höfuðs á því rotna spillingarkerfi sem nú berst eins og grimmt óargadýr fyrir lífi sínu með því m.a. að heimta skilyrðislausa þögn um hina umfangsmiklu mafíustarfsemi sem hér hefur riðið húsum og ríður enn. Krafan um að Sjálfstæðisflokkurinn verði lagður niður og starfsemi hans og líkra samtaka, t.d. Framsóknarflokksins, verði bönnuð mun verða hávær, enda um grundvallar þjóðþrifamál að ræða. 

Má bjóða auðvaldinu uppá pallinn? - höggstokkurinn er til reiðu og fallöxin flugbeitt og gljáandi. 

Lögbanni mögulega hnekkt

Athugasemdir

[Finnur Bárðarson, 1.8.2009 kl. 23:54]

Mæltu manna heilastur Jóhannes

[Hörður Halldórsson, 2.8.2009 kl. 00:25]

• Höggstokkur  á Austurvelli ? Erum við ekki að stökkva 300 ár aftur í tímann? Vantar bara prjónakerlingarnar eins og í frönsku byltingunni.

The  guillotine  was a device used for carrying out executions by decapitation. It consists of a tall upright frame from which a blade is suspended. This blade is raised with a rope and then allowed to drop, severing the victim's head from their body. The device is noted for long being the main method of execution in France and, more particularly, for its use during the French Revolution, when it "became a part of popular culture, celebrated as the people's avenger by supporters of the Revolution and vilified as the pre-eminent symbol of the Terror by opponents".^[1] Nevertheless, the guillotine continued to be used long after the French Revolution in several countries.

[Jóhannes Ragnarsson, 2.8.2009 kl. 00:44]

Hvernig er það Hörður Halldórsson, stekkur þú 2009 ár aftur í tímann þegar þú hlýðir á guðsþjónustu í Dómkirkjunni?

Nú, það verður trúlega auðvelt að fá nokkrar prjónandi kerlingar úr Kvennalistanum sáluga til fitja uppá sokkaplöggum við hliðina á höggstokknum. Sumar þeirra væru meira að segja til í að leggja prjónana frá sér stundarkorn og munda öxina þess í stað.

[Huckabee, 2.8.2009 kl. 22:20]

Rúnar  stórvinur Valtýs smábísa saksóknara synirnir í þjónustu kaupþings lítið mál að afgreiða lögbann með einu símtali íslensk valdastétt sefur ekki á verðinum við hentug tækifæri.Hverjir slökkva eldana þegar langlundargeð borgarana þrýtur?