Afturúrsiglandi guðspjallafígúra

Björn Bjarnason er á sinn hátt kátbrosleg fígúra, einhverskonar aftúrúrsiglandi guðspjallamaður, sem að eigin mati hefur ekki nokkurn skapaðann hlut á samviskunni; hefur tandurhreina áru eins og það er kallað. Það er t.d. í meira lagi kómískt að karlrassinn skuli ekki hafa uppgötvað það fyrr en í dag, 1. ágúst 2009, að algjör þáttaskil hafi orðið í bankastafsemi á Íslandi í október 2008. Það tók sem sé hinn fyrrverandi dómsmálaráðherra tæpa 10 mánuði að átta sig á þessu frábæra afreki sínu, efnahagshruninu, sem hann starfaði að árum saman með Davíð, Halldóri, Hannesi Hólmsteini, Kjartani og Geir. Í ljósi þessarar forkostulegu játningar hins afhrópaða auðvaldsklerks, Björns Bjarnasonar, er eðlilegt að álykta sem svo að maðurinn sé sérdeilis lengi að hugsa, jafnvel heimsmeistari í þeirri grein. En eins og segir í guðspjallinu þá eru hinir fattlausu jafnan meðal þeirra sælustu og munu Guðsríki erfa, eða eitthvað í þá áttina, þannig að karlgreyinu verður ekki í kot vísað þegar þar að kemur.

Algjör þáttaskil með hruninu segir Björn Bjarnason

Athugasemdir

[Þór Jóhannesson, 2.8.2009 kl. 01:36]

Mikið rosalega hefur Björn Bjarnason puttann alltaf á púlsinum þegar kemur að þjóðþrifarmálum og að átta sig á því að "algjör þáttaskil hafi orðið með hruninu" hlýtur að verða til það að af honum verði steypt gullstytta í höfðuvígi spillingarinnar á Íslandi Valhöll. Ég meina þetta er dæmi sem ekki nokkur maður hefði getað fengið út úr hruninu nema hinn bráðgreindi Bíbí!