Minna en fimmföldun kemur ekki til greina

Á þeim miður þokkalegu tímun sem vér nú lifum hljóma kröfur um tvöföldun vegaspotta hvort tveggja í senn hjákátlegar og hégómlegar við hliðina á stórvaxandi þörf á geymslum undir glæpamenn á næstu misserum. Það liggur fyrir að víða í sjávarbyggðum landsins standa tóm og verkefnalaus fiskvinnsluhús, sem upplagt væri að breyta í fangelsi á skömmum tíma með litlum tilkostnaði. Í mannlausum sveitarhreppum hangir gnægð gaddavírs, sem lokið hefur hlutverki sínu við að halda garðárum frá túnum manna. Með öllum þeim kynstrum af gaddavír væri hægt að hrófla upp 10 - 20 metra háum girðingum kringum væntanleg tugthús, sem áður voru frystihús og saltverkunnarstöðvar. Ég er viss um að dæmdir kvótaþrjótar og kauphallarhéðnar í nákominni framtíð koma til með að una sér vel í slíkum fangabúðum. Einnig myndu íbúar sjávarbygganna, þeir sem enn eru eftir, hafa ágæta skemmtun af að skoða fangana á þegar þeir verða viðraðir í fangelsisgarðinum á sunnudögum.

Telja tvöföldun Suðurlandsvegar brýnasta

Athugasemdir

[Níels A. Ársælsson., 3.8.2009 kl. 10:37]

Hahahaha...

Það stana enn tvö mikilfengleg og ramgirt frystihús galtóm á Patreksfirði.

Þar voru unnin tugþúsundir tonna á hverju í hálfa öld þar til óþverarnir mættu til leiks og stálu sjávarþorpinu í heilu lagi og brendu það.

Þar er nægilegt rými fyrir alla bankaræningjana og nýðingana í LÍÚ auk þess glæpalýðin í Sjálfstæðis og Framsóknarflokknum.