Braut á sér leyndarliminn

Þrátt fyrir ágæta upptalningu mbl.is á hneykslisverkum fullra manna um þessa helgi hefur þeim er fréttina ritaði af einhverri ástæðu láðst að segja frá manninum á tjaldstæðinu á Laugarvatni sem varð fyrir því óláni í ölvunarástandi síðastliðna nótt að brjóta á sér leyndarliminn þegar hann átti í snörpum viðskiptum við frillu sína. Eins og gefur að skilja varð að kalla út vakthafandi lækni til að líkna hinum slasaða sem lá viðþolslaus fyrir framan rekkjuna í húsbíl, kengboginn eins og girðingarlykkja. Af húsbílnum er það að segja, að sá vagn var keyptur af áðurnefndri frillu og eiginmanni hennar fyrir hrun á erlendu láni frá einhverju kaupþinginu og er víst orðinn rúmlega helmingi verðmætari í krónum talið en hann var síðasta sumar, sannkallaður skuldakláfur og gleðigjafi eigenda sinna. Þegar slysið varð, lá eiginmaðurinn meðvitundarlaus af spíritusnautn undir hinum frækna húsbíl hjónanna.

Bifhjólaslys, kynferðisbrot og hraðakstur

Athugasemdir

[Bergur Thorberg, 3.8.2009 kl. 00:20]

Hahahahahahahahahaha.......... ha......

[Níels A. Ársælsson., 3.8.2009 kl. 10:43]

Hahahahahah....þessi var góður.

[Sigurður Þorsteinsson, 3.8.2009 kl. 16:43]

Jóhannes hvenær var þessi mynd tekin af þér. Sagan ljúf í lok verslurnarmannahelgar.

[Jóhannes Ragnarsson, 3.8.2009 kl. 18:35]

Þessi mynd er nú ekki af mér heldur einhverjum Sigurði, ég man ekki ekki hvers son hann er, en Sigurður heitir kappinn, það er alveg víst ...