Samtök sem hafa þjóðarhrun á samviskunni

Ef stjórnvöldum er alvara í að endurheimta traust Íslands erlendis, já og innanlands líka, verða þau, hvort sem þeim líkar betur eða verr, að gera gangskör að því að banna Sjálfstæðisflokkinn og sennilega Framsóknarflokkinn sömuleiðis. Það ætti enginn að velkjast í vafa um að flokkurinn í Valhöll sem kennir sig við sjálfstæði er fyrst og fremst ástæðan fyrir efnahagshruninu og allri glæpamennskunni kringum það, enda er hér um mjög hægrisinnuð og siðvillt mafíusamtök að ræða. Það liggur því í augum uppi, að samtök sem hafa þjóðarhrun á samviskunni á skilyrðislaust að banna.

Sem betur fer, vex kröfunni um bann við starfsemi stjórnmálasamtaka á borð við Sjálfstæðisflokkinn fiskur um hrygg. Sem sýnir svo ekki verður um villst að fólk er í æ ríkari mæli að átta sig á samhengi hlutanna og að ekki sé líðandi að efnahagsleg hryðjuverkasamtök fái að valsa óáreytt um gjörvallt þjóðfélagið eins og ekkert sé sjálfsagðara.

Vörumerkið Ísland stórskaddað

Athugasemdir

[Hafsteinn Viðar Ásgeirsson, 18.8.2009 kl. 19:33]

Það er nú svo merkileg þessi þjóðarsál okkar að þessum glæpasamtökum "sjálfstæðra og framsækinna" vex fylgi nú um stundir, samkvæmt skoðanakönnunum. Hvað ætli komi næst, söfnun handa Magnúsi Kristinssyni???

[Anna Sigríður Guðmundsdóttir, 18.8.2009 kl. 20:15]

Jóhannes. Það er verið að reyna að fella þessa heiðarlegu tilraun réttlætisins sem nú er að stjórna. Og hver er að því? Tryggvi Þór Herbertson á víst að sleppa við sitt fjárglæfra-kúlulán! Hver skyldi vera að kúga á bak við tjöldin? En við verðum að þreyja þorrann þangað til Eva Joly er komin með tökin á þeim sem sviku svo hryllilega í áratugi, og halda að þeir komist upp með það áfram .

[Jóhannes Ragnarsson, 18.8.2009 kl. 20:22]

Ég geri fastlega ráð fyrir að Magnús Kristinsson, Eyja-Mángi í Toyotu, verði kosinn næsti forseti Íslenska lýðveldisins - það væri eftir öðru hjá þessari kyndugu þjóð okkar.

[Anna Sigríður Guðmundsdóttir, 18.8.2009 kl. 21:21]

Öll kúgun endar með ofbeldi sem enginn græðir á. Ekki heldur þessi Magnús Eyja-Toyotu-krakki. Hann verður að finna sér annað að leika sér með. Því miður fyrir hann. Hann mun ekki heldur sleppa.

[Jóhannes Ragnarsson, 18.8.2009 kl. 21:28]

Þú átt þó ekki við, Anna Sigríður, að það eigi fyrir Eyja-Manga að liggja að leika sér í beitningarskúrnum á Kvíabryggju?

Guð forði slíku stómenni frá þessháttar skömm.

[Níels A. Ársælsson., 18.8.2009 kl. 22:59]

Ha ha ha ha ha ha ha.....Góður !!!!!!

Framsóknarflokkurinn er þjófsnauturinn.

[Hafsteinn Viðar Ásgeirsson, 19.8.2009 kl. 09:25]

Þið getið fært það til bókar strax, að hann Mángi þessi verður með öll sín leikföng eftir óveðrið, nema auðvitað þyrluna. Ég trúi að hann hafi ekkert sett bankanum að veði nema bréfin í honum sjálfum, en sjáum til.

Það er rosalega magnað að nefna þennan hrylling í hóp "Sjálfstæðra og Framsækinna", það kemur alltaf ræða um Jón Ásgeir til baka. Ekki veit ég af hverju hann er hengdur við mig?

Það er hinsvegar afar líklegt að hann Eyja- Mángi fari vígreifur til forsetakosninga og fái 100% atkvæða í Eyjum..