Hörmung fótboltakerlinganna, skömm og hneisa

Svo að ég komi mér beint að efninu, þá var leikur íslenska kvennalandsliðsin hrein hörmung; hrein og bein andskotans skömm og hneisa. Þegar frábær dómari leiksins flautaði hann af tók ég sjónvarpstækið úr sambandi og bar það út í ruslatunnu. Það verður víst bið á, að það verði horft á fótbolta í því sjónvarpi.

En eins og fyrr segir, þá voru knattbrögð íslensku fótbotakerlinganna allt í senn: hörmung, skömm og hneisa. Eftir að hafa tekist að blóðga tvær frakkastúlkur á sannfærandi hátt láku þær íslensku niður eins og margarín á pönnu. Þessi óhugnarlega frammistaða færir okkur þó fyrst og fremst óræka sönnun fyrir þeirri gamalkunnu staðreynd, að best sé að láta renna alminnilega af leikmönnum knattspyrnuliðs áður en það er sent inná völlinn.

Að lokum vil ég fá viðunadi skýringu á, af hverju Eiður Smári Guðjohnsen var ekki í landsliðinu á móti fransmönnum í dag. Hún hefur verið að gera það gott útí heimi að undanförnu telpan sú arna.

EM: Ísland tapaði fyrsta leiknum

Athugasemdir

[Björn Birgisson, 24.8.2009 kl. 20:03]

Hm ..................... hvað á að renna af hverjum?

[Hjörtur Herbertsson, 24.8.2009 kl. 21:09]

Ef einhver er skömmin, þá er það bloggið þitt,KARLREMBAN ÞÍN.

[Jóhannes Ragnarsson, 24.8.2009 kl. 21:25]

Þú ert nú meiri fémínístaskitan Hjörtur Herbertsson, og teprulegur úr hófi fram. Þú ættir að skammast þín fyrir að ryðjast eins og elefantur inn á blogg sómakærra manna með svo dæmalausum hætti og kommentið þitt hér að ofan er ólygnastur vitnisburður um.