Hjónaband Kolbeins er gegnsýrt af kynlífsþrælkun

Út frá hinni skelfilegu frétt um þann geggjaða Garrido og fórnalamb hans, kemur mér í ójálfrátt í hug Kolbeinn, vinur okkar allra, og sá últraterror sem hann hefur mátt þola af frú Ingveldi eiginkonu sinni í stinn 30 ár. Okkur, sem teljumst vinir og kunningjar Kolbeins, hefur aldrei dulist að hjónband hans er gegnsýrt af kynlífsþrælkun og ofbeldi af hendi frú Ingveldar. Frá fyrsta degi hefur frú Ingveldur, af sinni óslökkvandi girndargreddu, notað eiginmann sinn eins og sálarlaust og tilfinningalaust kynlífsverkfæri. Viku eftir viku, mánuð eftir mánuð, ár eftir ár, hefur Kolbeinn mætt til vinu sinnar á morgnana úttaugaður og svefnlaus með svarta bauga undir báðum augum og svo heillum horfinn að minnt hefur einna helst á ofspýtt hundsskinn. Þrívegis hefur Kolbeinn verið vistaður á Kleppi, algeggjaður og með froðu um munnvikin, vegna hroðalegrar meðferðar frú Ingveldar á honum. Þó tók steininn úr hér um árið þegar frú Ingveldur tók uppá að lokka vinkonur sínar í kvenfélaginu Árroðanum til að svala ónáttúru sinni á Kolbeini ræflinum. Þá varð honum svo um, að hann gekk af vitinu í heila sex mánuði.

Síðast þegar ég frétti af heiðurshjónunum Kolbeini og frú Ingveldi voru þau komin með malasískan þjón inná heimilið. Þá fór ekki hjá því að eitt og annað kæmi uppí hugann. Og satt að segja kæri ég mig ekkert um að segja frá því opinberlega hvað ég sá fyrir hugskotssjónum mínum. En Kolbeini verður ekki bjargað úr þessu, svo mikið er víst. Hann er nefnilega löngu ánetjaður dýrslegu soraeðli eiginkonu sinnar og lítur á hana sem frelsara sinn og bjargvætt í lífinu; telur sem sé að hann hefði orðið öskutunnuróni og illþýði ef hann hefði ekki borið gæfu til að kvænast frú Ingveldi.

Ber sterkar tilfinningar til Garrido

Athugasemdir

[Áslaug Herdís Brynjarsdóttir (IP-tala skráð) 30.8.2009 kl. 21:53]

Ég bara fatta ekki þetta rugl....?

[Jóhannes Ragnarsson, 30.8.2009 kl. 21:56]

Hvað er það sem þú fattar ekki, Áslaug mín Herdís? Og hvað rugl ertu að tala um? Ég er mest hræddur um að þú sért að misskilja eitthvað. Eða er frú Ingveldur máske nákominn ættingi þinn?

[Karl Löve, 30.8.2009 kl. 21:59]

Góður Jóhannes. Ekki ætlast til að konur horfist í augu við eigin eðli. Það er eins og að berjast við vindmyllur, he he

[Anna Guðný , 30.8.2009 kl. 22:47]

Áslaug: Engin hætat. Við þurfum ekki að fatta Jóhannes. Annað hvort lesum við eða ekki.

[Anna Guðný , 30.8.2009 kl. 22:48]

Á auðvitað að vera  hætta

[Jóhannes Ragnarsson, 30.8.2009 kl. 23:24]

Alveg rétt hjá þér, Áslaug, annað hvort lesum við eða ekki, það hefur ekkert með fatt eða föttun að gera. En umfram allt ber að lesa þessa bloggsíðu, gaumgæfilega og fordómalaust, af nærgætinni og gagnrýnisausri virðingu fyrir viðfangsefninu og höfundi.  

[Anna Guðný , 31.8.2009 kl. 00:44]

Heyr, heyr

[Sigurjón, 31.8.2009 kl. 02:30]

Einhvern veginn grunar mig að Davíð Oddsson eða einhver Sjálfstæðismaður hafi kynnt Kolbein fyrir Ingveldi.  Er ekki allt illt frá þeim komið?

[Jóhannes Ragnarsson, 31.8.2009 kl. 07:54]

Ég get staðfest, Sigurjón minn, að heiðurshjónin Kolbeinn og frú Ingveldur hafa verið flokksbundnir sjálfstæðismenn frá því um fermingu og oftar en ekki virk í starfi Flokksins.