Gamla konan sem braust inn hjá nágrönnum sínum

Skárri eru það andskotans þjófarnir þarna í Reykjavík. Að stela þremur lambalærum úr verslun er enginn smáræðis glæpur. Svona ósvífni va ekki til á Íslandi fyrir fáum árum. Þetta ástand er áreiðanleg ríkisstjórn Samfylkingar og VG að kenna, ef mér skjátlast þá ekki því meir. Það var svo sem viðbúið að alda glæpa færi á stað um leið og vinstristjórn kæmist til valda. Þá var nú staða mála betri meðan Íhaldið og Framsókn búverkuðu. Á þeim góðu tímum keyptu menn hlutina áður en þeir stálu þeim.

Og svo var maðurinn sem þjófstal dilkalærunum þremur á fimmtugsaldri!!! Það hefði verið sök sér hefði þetta verið kona á áttræðisaldri. En karlmaður á fimmtugsaldri ... svoleiðis getur ekki gerst nema í barbaríinu. Ég man eftir gamalli konu sem braust inn hjá nágrönnu sínum að næturþeli og stal frá þeim mat og áfengi og eldhúsklukkunni. Þetta var séð kona, þessvegna komst glæpur hennar ekki upp. En á dánardegi játaði konan þjófnaðinn uppúr þurru auk nokkurra hjúskaparbrota sem öllum var sama um. Svo geyspaði sú gamla golunni, þannig að ekkert var hægt að gera.

Stal lambalærum úr verslun

Athugasemdir

[Níels A. Ársælsson., 31.8.2009 kl. 19:42]

Hjúskaparbrot ?

Kerlingar dóninn !

Já það var nú aldeilis munur lífið á Íslandi hér áður fyrr undir stjórn Sjálfstæðisglæpafélagsins-framsókn-grúpp er Finnur Energy og Óli Elton keyptu heiðarlega fyrir peninga almennings hin og þessi fyrirtæki og rændu þau síðan.