Sumir hafa ágætt tilefni til að skemma lúxusbíla

Ef einhver heldur að skemmdarverk á lúxusbílum séu af tilefnislausu þá fer sá hinn sami algjörlega villurvega. Það vill nefnilega svo vel til að smákrökkum og unglingum þykir fjarskalega gaman að rispa rándýra eðavagna með góðum oddhvössum verkfærum. Það fer víst alveg sérstök vellíðunarbylgja um ungar sálir þegar þær urga hníf, skrærum eða skrúfujárni gegnum kolsvart lakk á 10-20 milljón króna bifreiðum. Nú, sumir hafa átt erfitt með að venja sig af þessum sið og átt í heiftarlegri sálarstyrjöld við sjálfa sig þegar þeir hafa séð álitlegan, kyrrstæðan milljónafarskjóta álengdar. 

Svo er til önnur manntegund, sem fer öðruvísi að gagnvart bifreiðum í háum veðflokki, en það eru ,,þvagbrandarnir" svo nefndu. Eins og nafnið bendir til sitja þvagbrandarnir um að míga á bíla burgeisa og grósséra, og helst inní þá ef aðstæður leyfa. Ég hefi meira að segja spurnir af konu nokkurri sem er þagbrandur og lætur aldrei tækifæri til að míga á glæsivagna fram hjá sér fara. En hvernig konan ber sig að við iðju sína er mér hulið og læt ég þessvega lesendum þessa pistils eftir að gera sér verklag hennar í hugarlund; sjái hana fyrir hugskotssjónum sínum mígandi á fallegan bíl.

Lúxusbílar skemmdir

Athugasemdir

[Níels A. Ársælsson., 3.9.2009 kl. 18:26]

Þuríður formaður meig í gegnum hrútshorn.

Svo ???

[Sveinn Elías Hansson (IP-tala skráð) 3.9.2009 kl. 20:53]

Það er til sérstakt áhald fyrir konur að míga í gegnum þegar þær eru uppi á jöklum í miklum kulda.Þegar þær hafa sett þaðá sig líkist það ákveðnum líkamspart karla, er hart en vísar niður.

Sennilega hefur þessi umrædda kona fundið þetta apparat upp. En kanski þá til annarra nota.