Óráðskallinn Askinaski mærir yfirspenntan snobbismaviðbjóð

Helvítis rugludallur getur þessi ekkisens Askinaski verið, segist hafa fengið ,,innblástur" við að tipla um um hið afkáralega minnismerki um vitfirringu frjálshyggjugræðgisáranna í Austurhöfn Reykjavíkur, tónlistarhöllina miklu sem til stendur að henda meira en 30 milljörðum í áður en yfir lýkur. Það væri gaman að vita hverskonar trekkvindur það var sem blés anda sínum inní rörið á Askinaski. Þó að Askinaski sé þrautseigur píanóglamrari og víðfrægur sem slíkur á Íslandi, þá er ekki þar með sagt að fjölmiðlar eigi birta óráðshjalið í karlskepnunni ómelt.

Að mæla með tugmilljarða tónlistarhúsi á sama tíma og þjóðin liggur hryggbrotin í blóði sínu eftir aðfarir allrahanda frjálshyggjubrjálæðinga er raun og sannleika ekkert annað últrafáránlegt óráðshjal. Það er með algjörum endemum að Ríkið og Reykjavíkurborg séu látin ausa ótrúlegum fjárhæðum í slíkan yfirspenntan snobbismaviðbjóð. Það etur andskotann ekki annað verið, en að þeir sem standa fyrir þessum ósköpum eigi við alvarleg geðræn vandamál að stríða, sennilega geðkrabba eða stökkbreytt geðfár. 

Agndofa og þakklátur

Athugasemdir

[Hlöðver Sigurðsson (IP-tala skráð) 4.9.2009 kl. 17:48]

Ef þú veist ekkert um sígilda tónlist/heimsmenningu vertu þá ekki að dæma menn sem vita aðeins meira en við.

[Öndin trítilóða (IP-tala skráð) 4.9.2009 kl. 22:13]

Sammála Jóhannesi. Þetta er "steypa", eins og orðtakið segir.

[Ingibjörg Friðriksdóttir, 7.9.2009 kl. 15:09]

Verið ekki með þetta, við þurfum steypu og aftur steypu, langar ykkur kannski inn í moldarkofana aftur.  Ég er búin mánaðarlega að greiða í mörg ár fastan aur í uppbyggingu tónlista´húss og ég vil fara að sjá það klárað.

En ég vil ekki sjá nafn Landsbankans eða annarra á byggingunni þegar þar að kemur.  Ég vil að Björgólfsfeðgum og fleiri snobbhænsnum verði bannaður aðgangur að því húsi.

Við brettum bara upp ermar upp fyrir olnboga.

[Ingibjörg Friðriksdóttir, 9.9.2009 kl. 13:07]

Hvað er eiginlega að þér manni??????  Er ekki annars allt í góðu?