Lítil saga af fátæktarjólum

Helvítis hlandprestar geta mennirnir verið, að skjóta æðarfugla þvert ofaní landslög og almennt siðferði. Svo andsyggilegt er þetta athæfi að það mætti halda að þar hafi geldir heimdellingar verið á ferð eða bankaspjátrúngar. Það má þykja vel sloppið, að þessi ruddamenni skuli ekki hafa skotið Andrés Önd þegar hann var staddur hérlendis á dögunum. Annars hefðu skytturnar úr Hvalfirði mátt brenna á illfyglið Andrés Disneyson mín vegna og sjóða úr honum andarsúpu.

Þá man ég allt í einu eftir fátæka manninum, sem átti engann jólamat fyrir sig og fjölskyldu sína. Honum tóks að skjóta tvo minka rétt fyrir hádegi á aðfangadag og um kvöldið bar kona hans þá á borð steikta. Með þessum kræsingum át fjölskyldan gufusoðinn þara. Þessi litla saga minnir okkur á, að miðað við skuldastöðu ýmissa útrásarapa, þá munu þeir góðu drengir ekki einusinni hafa mink eða svartbak á borðum um hátíðarnar, heldur þurfa að glápa sínum gráðugu glyrnum á galtóma, kámuga diskana fyrir framan sig.  

Skutu friðaða æðarfugla í Hvalfirði

Athugasemdir

[Árni Gunnarsson, 7.11.2009 kl. 21:38]

Hvað ert þú að hrósa happi? Hefur eitthvað frést af Andrési Önd nýlega? En þetta með Heimdellingana er rétt. Þeir eru í þjálfun fyrir næstu útrásarhrinu og þurftu að sanna sig fyrir Stuttbuxa nr. 1

[Jóhannes Ragnarsson, 7.11.2009 kl. 22:05]

Satt segir þú, Árni, það hefur nefnilega ekkert frést af Andrési síðan hann kom til landsins fyrir nokkrum dögum. En trúlega er málið í rannsókn hjá mordkommisjón lögreglunnar.

En ljótt er að heyra af Heimdellingunum. En við þessu mátti alltaf búast úr þeirri áttinni.