Þar fóru Íslendingar rangt að

Til forna var íslenskum óbótamönnum vísað úr landi í lengri eða skemmri tíma og ef þeir gengdu ekki því kalli voru þeir réttdræpir hverjum þeim er hafði lyst á. Ég tel, að þetta hafi verið gott fyrirkomulag og það hefi verið hrein mistök heimskra manna að afnema það. Það hefði t.d. verið gott, að geta dæmt útrásardólgana, fjárglæframennina og gjörspilltu stjórnmálamelrakkana til ævilangrar útlegðar um leið og uppum þá komst í fyrrahaust. Og hefðu mannkertin ekki hypjað sig burt af landinu hið snarast hefði undir eins gengið í gildi veiðileyfi á þá líkt því sem gildir um veiðibjöllu og annann vargfugl.

Um hina afbrotahneigðu Fransmenn gegnir öðru máli. Best hefði verið að hleypa þeim inní landið og leyfa þeim að athafna sig að vild, því þetta eru fátækir menn og veitir ekki af einhverri búbót. Og þeir eru meira en fátækir, þeir eru víkingar, sem brjótast til annarra landa í leit að fé og frama. Samkvæmt sagnameisturum fornaldar erum vér Íslendingar af þessháttar mönnum komir og hefur, fram til þess a, þótt fínt að geta rakið ættir sínar beint til slíkra höfuðsnillinga. Því ættum vér Íslendingar að gleðjast þegar ræningjar frá einhverri merkustu þjóð veraldar gera lykkju á leið sína og heimsækja oss af sömu ástæðu og vorir sælu forfeður heimsóktu aðrar þjóðir af sinni alkunnu dirfsku og höfðingslund þá er víkingaöld var.

Tveimur Frökkum vísað úr landi

Athugasemdir

[Sigurður Þorsteinsson, 13.11.2009 kl. 22:24]

Þú vilt þá vísa þeim Jóhönnu og Steingrím úr landi, jú, og öllu liðunu sem eru að reyna að troðöa okkur í einhverja hraðferð inn í ESB?

[Ingibjörg Friðriksdóttir, 14.11.2009 kl. 22:12]

Láttu ekki svona Jóhannes, viltu áfram þetta helvítis klíkusamfélag sem hér er.. 

Mér er flökurt alla daga yfir þessum gapuxum öllum sem einum.