Smákölskar á fjósloftinu nýta sér ástandið

Það er heldur daprar fréttirnar, sem berast af Framsóknarmaddömunni þessa dagana. Fyrripartinn í síðustu viku upplýstu líflæknar gömlu húsmóðurinnar í Framsóknarfjósinu, að hún væri komin með svínsinnflúensu ofaní allann sinn ellihrumleika og kararlíf. Um hádegisbil á föstudaginn var Maddaman orðin rænulaus og hefur ekki komst til meðvitundar síðan og er nú haldið með lífsmarki með aðstoð öflugra véla.

En kaldhæðni örlaganna lætur ekki standa á sér: Ekki var hin aldna móðir allra framsóknarpúka fyrr dottin úr öllu sambandi við umheiminn, en smákölskar á fjósloftinu fóru að láta á sér kræla. Er nú svo komið að vikapiltur af loftinu, Einar að nafni, er kominn í stríð við húskarlinn Skara Dvergs og má af látbragði hans ráða, að hann hafi fullan hug á að vega Skara til að geta fyllt spillingarholuna hans í Hreppsnefnd Reykjavíkur.

Það má heita dægilegur andskoti, þegar bleyjuárar eru farnir að bretta uppá trýnið og sýna sér fullorðnari kölskum vígtennurnar með urri og skrækjum, í skjóli afleitrar heilsu gömlu frúarinnar. Þá mun skammt að bíða endalokanna.

„Framboðið kom á óvart“

Athugasemdir

[Jóhannes Ragnarsson, 15.11.2009 kl. 17:20]

Yður, sem erfiði og þunga eruð hlaðnir í andanum, er bent á að lesa eftirfarandi sér til sálarléttis: 

http://zumann.blog.is/blog/zumann/entry/979804/

[Sigurjón, 15.11.2009 kl. 21:01]

Skrif þín eru mörgum til sálarléttis, enda húmorísk og fyndin.  Rétt eins og flokksblöð nasista í Þýðverjalandi á síðustu öld...

[Jóhannes Ragnarsson, 15.11.2009 kl. 21:26]

Nújá, svo Sigurjón Vilhjálmsson sekir sér gleði og sálarstyrk í flokksblöð nasista frá síðustu öld. Honum hlýtur þá að þykja fjarska gaman að lesa Mein Kamp eftir foringjann sínn.

[Sigurjón, 16.11.2009 kl. 04:05]

Ég sæki mér gleði í að lesa áróður sem er svo augljóslega langt frá sannleikanum að hvert mannsbarn með hálfan heila sér það í mílufjarlægð.  Það eru líkindin milli áróðursrita nasistanna og froðusnakksins sem út úr þér vellur...

[Sigurður Sveinsson, 16.11.2009 kl. 06:45]

Það skiptir engu hvað frambjóðandi maddömunnar heitir. Það verður sama uppá teningnum og eftir síðustu sveitarstjórnarkosningar. Þó madame framsókn sé nú orðin heldur hrörleg er hún ekki alveg dauð úr öllum æðum. Íhaldsbælið heillar alltaf eins og segir í stökunni sem mér datt í hug eftir síðustu kosningar.

Uppí rúmið ætlar sér

unaðsstunda njóta fljótt.

Sómafljóðið sýnist mér

svæsna hafa brókarsótt.