Sérstakur götustrákur fer yfir strikið

Það er ekki nema von, að Karli Axelssyni sé algjörlega ofboðið. Enda virðist þessi sérstaki saksóknari vera orðinn margfalt sjálfstæðari en til var ætlast í upphafi. Það var áreiðanlega ekki ætlast til þegar Ólafur Hauksson var ráðinn sérstakur saksóknari, að hann gerði bragð úr ellefta boðorðinu og færi að leika sér að því að leggja góða menn og virðingarverða í einelti.

Það er náttúrlega algjört brot á öllu sem hægt að brjóta, þegar embættismaður, sem skipaður var til að sofa svefni réttlátra fram á skrifpúlt í skítugru kompu einhversstaðar útí bæ, fer að haga sér eins og götustrákur með því að hrekkja og hrella saklaust fólk að ósekju. Slíkir menn eru hreint og klárt illgresi í samfélaginu, sem ber að uppræta og í eldsofninn kasta eins og segir á helgri bók.

Við þessum óskunda Ólafs Haukssonar er aðeins eitt að gera: Leggja embætti sérstaks saksóknara niður og kæra Ólaf þennan götustrák fyrir einelti og fá hann dæmdan til langrar betrunarvistar, öðrum skelmum til varnaðar.

Lögmanni Baldurs algjörlega ofboðið

Athugasemdir

[(IP-tala skráð) 24.11.2009 kl. 08:52]

Já það er von að mönnum blöskri þegar einhver fer að vinna vinnuna sína.

Þó þykir mér þetta lítill fiskur sem hefur verið tekin til meðferðar, meðan aðrir stærri synda lausir.

[Einar Guðjónsson, 24.11.2009 kl. 08:53]

Er ekki lausnin að gera Baldur að sérstökum saksóknara ??. Fæðingarréttur hans er jú vel launað starf hjá hinu opinbera. Um leið fengjum við

huggulega kunningjasamfélagið staðfest sem réttarríki. Ríkisvaldið gæti þá ennfrekar einbeitt sér að því að berja á fátækum. 

[Jóhannes Ragnarsson, 24.11.2009 kl. 10:37]

Góð hugmynd, Einar, góð hugmynd.

[Jón Snæbjörnsson, 24.11.2009 kl. 11:01]

Einar góður