Verkalýðsdragbítur sem ætti að halda kjafti

Verkalýðsdragbítnum Skúla Thoroddsen ferst ekki að senda einum né neinum tóninn, ekki einusinni hæstvirtum umhverfisráðherra. Og yfirleitt ætti þessi auðvirðilega senditík Kristjáns í Keflavík, Gylfa Arnbjörnssonar og Vilhjálm Egilssonar að halda kjafti og skammast sín. Hin fámenna og ófyrirleitna valdaklíka, sem tekið hefur verkalýðshreyfinguna í gíslingu, er sannarlega gjörsamlega veruleikafirrt í einangrun sinni frá grasrótinni. Það er engu líkara en þessi aumu gerpi hafi gengið auðvaldinu alfarið á vald og þar með dregið alla almennu verkalýðshreyfinguna með sér ofaní svaðið. Hvar héldu Skúli Thor og vinir hans, Kristján í Keflavík, Gylfi Arnbjörnsson, frú Ingibjörg Err og Guðmundur Gunnarsson til, þegar alþýða landsins reis upp í fyrravetur og mótmæti? Jú, þessir vellaunuðu blesar, sem eru á framfæri verkafólks, skriðu undir borðin á skrifstofum sínum og ýlfruðu eins og blauðir hundar. Og hvar var þetta þýlynda pakk meðan holskefla frjálshyggjukapítalisma og græðgisvæðingar reið yfir þjóðina? Það sat á skrifstofum sínum í velíðunar- og værðarmóki og beið eftir næstu útborgun frá fátækum og arðrændum verkalýð eins og ekkert væri sjálfsagðara.

Uppá síðkastið hafa svo þessir sveitarlimir verkafólks opinberað sitt rétta eðli með skefjalausri þjónkun við Vilhjálm Egilsson, Friðrik Jón hjá LÍÚ og aðra fulltrúa atvinnurekendasamtakanna. Það var svo sem ekki heldur við öðru að búast.

 

Svandís veruleikafirrt eða vanhæf

Athugasemdir

[Níels A. Ársælsson., 25.11.2009 kl. 22:51]

Sammála hverju orði.

Réttast væri að reka þessi gerpi úr landi og skvetta á eftir þeim skít og hlandi eins og einu sinni var sagt á fögrum stað af góðu fólki.

[Hörður Einarsson, 25.11.2009 kl. 23:21]

Jóhannes Ragnarsson og Níels A. Ársælsson.

Mikið skelfing eigið þið bágt,

Svona tala bara þeir sem eiga vondan málstað að verja.

[Níels A. Ársælsson., 25.11.2009 kl. 23:30]

Hörður.

Vondan málstað að verja !

Þú átt þá væntanlega við Skúla Thoroddsen ?

[Sigurbjörg Eiríksdóttir, 26.11.2009 kl. 08:39]

Ömurlegt að lesa þessi fúkyrði..

[Jóhannes Ragnarsson, 26.11.2009 kl. 09:03]

Ég skil það vel, Sigurbjörg, að þér finnist ömurlegt að lesa ,,þessi fúkyrði." En því miður eiga þau fullan rétt á sér. Skúla Thor, sem og aðrir verkalýðshreyfingareigendur, eiga fátt annað skilið en að til þeirra sé talað tæpitungulaust á skiljanlegu mannamáli. Þetta lið hefur hagað sér með þeim hætti, sem ekki er hægt að fyrirgefa.

[Res (IP-tala skráð) 26.11.2009 kl. 10:29]

´Vel mælt ,,en væri ekki í lagi  fara að finna orku sem gæti nýst okkur í náinni framtíð þegar við förum að  keyra um á rafmagnsbílum. Mér finnst ekki vera skilda að allt sem við virkjum þurfi að vera orka fyrir Álver....