Borgarnes á barmi borgarastyrjaldar

Það var aldrei ekki risi upp hugsjónaþrungin borgarskæruliðasveit í Borgarnesi. Þegar menn eru farnir að grýta lögreglustöðina í sínum heimabæ með eldsprengjum er ljóst að viðkomandi byggðarlag er farið að ramba á barmi borgarastyrjaldar og þá getur orðið aldeilis líf í tuskunum, ef vel tekst til. Það fylgir fréttinni af ófriðnum í Borgarnesi, að lögreglan þar á bæ hafi svarað árásinni með því að handtaka fáeina óharðnaða ungliga, frekar en ekki neitt. Auðvitað eru blessuð börnin alsaklaus af tilræðinu við lögreglustöðina, þar hafa eldri og reyndari menn, eða jafnvel konur, verið að verki. Nú bíður maður spenntur eftir því, að ráðhús borgnesinga verði sprengt í loft upp, sem og Hyrnan og sjálf Borgarfjarðarbrúin.

Mikið er gleðilegt, að enn skuli vera til menn í Borgarfirði, sem eiga ættir sínar að rekja beit til Egils sáluga Skallagrímssonar á Borg og að blóð þessa mesta borgnesings fyrr og síðar sé ekki með öllu útdautt í æðum heimamanna.

Köstuðu bensínsprengjum

Athugasemdir

[Guðbjörg Elín Heiðarsdóttir, 27.11.2009 kl. 10:39]

Óneitanlega spyr maður sig hvað sé að hjá unglingum í dag. Þá er ég ekki að tala um alla unglingana okkar, því við eigum sem betru fer unglinga sem eru til fyrirmyndar,en það eru þarna skemmd epli innan um. Strákarnir tveir  í Retkjanesbæ sem gengu í skrokk á jafnaldra sínum, það var óhuggulegt að sjá myndbandið sem fylgdi þeirri frétt í sjónvarpinu núna í vikunni. Þvílík mannvonska, ég er ansi hrædd um að foreldrar þessara unglinga eru ekki að standa sig í uppeldinu. Annars er orðið svo mikið um eiturlyf hjá ungmennum að það er ekki hægt að kenna foreldrum þessara krakka um, því oft er það að þessirkrakkar koma frá fyrirmyndar heimilum og eða foreldrum. Það er eitthvað að klikka hjá okkur í samfélaginu og það er kominn tími til að sporna við svona óhugnaði. Þetta er þegar farið að enda með skelfingu hjá þeim unglingum sem haga sér svona, það getur ekki verið  foreldrar þessa krakka, séu sáttir við að horfa á eftir barninu sínu í fangelsi.

[Rakel Erna Skarphéðinsdóttir, 27.11.2009 kl. 17:00]

Strákarnir fjórir sem gerðu þetta koma allir úr Mosfellsbæ. Ástæðan var sú að vinur þeirra var handtekinn af lögreglunni í Borgarnesi skömmu áður úr því að hann réðist inn á skólaball með hafnaboltakylfu.

Allt ungir krakkar, búnir að vera með læti um kvöldið svo að ekki var annað hægt en að hringja á lögregluna.

Passaðu þig svo á því hvað þú segir.

[Jóhannes Ragnarsson, 27.11.2009 kl. 20:05]

Hver á að passa sig á hverju, Rakel Erna?